TELOnews.com

கேரள கஞ்சாவுடன் மூவர் கடற்படையினரால் கைது. எழுவதீவு கடற்பகுதியில் வைத்து கேரள கஞ்சாவுடன் மூவர் காரைநகர் கடற்படையினரால் கைதுசெய்யப்பட்டுள்ளனர். இச்சம்பவம் நேற்று இரவு நிகழ்ந்துள்ளது.

பாதுகாப்பு நடவடிக்கையில் ஈடுபட்டிருந்த கடற்படையினர் சந்தேகத்திற்கிடமான படகினை அவதானித்து சோதனை மேற்கொண்ட போது கேரள கஞ்சா மீட்கப்பட்டுள்ளது.

இதனையடுத்து குறித்த படகில் பயணித்த கிளிநொச்சி பூனகரி பகுதியைச் சேர்ந்த மூவர் கைதுசெய்யப்பட்டனர்.

படகிலிருந்து மீட்கப்பட்ட 137 கிலோ கேரள கஞ்சாவுடன் சந்தேகநபர்கள் காரைநகர் கடற்படை முகாமில் தடுத்துவைக்கப்பட்டுள்ளனர்.

சட்ட நடவடிக்கைகளுக்காக மீட்கப்பட்ட கஞ்சாவுடன் சந்தேகநபர்கள் மூவரும் ஊர்காவற்துறை பொலிஸாரிடம் ஒப்படைக்க நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.

You can leave a response, or trackback from your own site.