TELOnews.com

அனுமதிப்பத்திரமில்லாமல் சட்டவிரோதமான முறையில் பயன்படுத்தும் அல்லது தம்வசம் வைத்திருக்கும் ஆயுதங்கள், துப்பாக்கிகளை ஒப்படைப்பதற்கான கால அவகாசம் நீடிக்கப்பட்டுள்ளது.

அதன்படி, எதிர்வரும் நவம்பர் 21 ஆம் திகதிக்கு முன்னர் துப்பாக்கிகளை ஒப்படைக்குமாறு பாதுகாப்பு அமைச்சு தெரிவித்துள்ளது.

முன்னதாக ஆயுதங்களை மீள ஒப்படைப்பதற்கு பாதுகாப்பு அமைச்சு ஒரு மாத கால அவகாசம் வழங்கியதுடன் அந்த கால அவகாசம் இன்றுடன் நிறைவடையவிருந்தது.

எவ்வாறெனினும், முன்வைக்கப்பட்ட உண்மைகளை கருத்திற்கொண்டு, அந்தக் காலத்தை நீடிக்க நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.

You can leave a response, or trackback from your own site.