TELOnews.com

அரபிக் கடலில் உள்ள லட்சத் தீவு பகுதியில் இன்று காலை லேசான நிலநடுக்கம் உணரப்பட்டது. இது ரிக்டரில் 5.3-ஆக பதிவாகியுள்ளது.இந்தியாவில் உள்ள யுனியன் பிரதேசங்களில் ஒன்று லட்சத்தீவு. 36 தீவுகளை கொண்ட லட்சத் தீவு கேரளக்கரைக்கு அப்பால் 300 கிலோ மீட்டர் தூரத்தில் அரபிக்கடலில் உள்ளது.இன்று அதிகாலை 4.01 மணி அளவில் லட்சத்தீவில் திடீரென நிலநடுக்கம் ஏற்பட்டது. இது 5.3 ரிக்டர் அளவில் பதிவாகி இருந்தது.

தேசிய நிலநடுக்கவியல் மையத்தின் தகவலின் படி இந்த நிலநடுக்கம் 10 கிலோ மீட்டர் ஆழத்தில் மையம் கொண்டு இருந்தது.அதிகாலை நேரத்தில் தூங்கி கொண்டிருந்த மக்கள் திடீர் நிலநடுக்கத்தால் அலறியபடி வீட்டில் இருந்து வெளியே ஓடி வந்தனர். மீண்டும் நில நடுக்கம் வருமோ என்று பீதியில் வீட்டுக்குள் செல்லாமல் சாலையிலேயே அமர்ந்து இருந்தனர்.

இந்த நிலநடுக்கத்தால் ஏற்பட்ட உயிர் சேதம், பொருள் இழப்பு பற்றி அறிவிக்கப்படவில்லை.

You can leave a response, or trackback from your own site.