TELOnews.com

அமெரிக்காவின் மினிசோட்டா மாநிலத்தின் மின்னிபோலிஸ் பகுதியில் அந்நாட்டு தேசிய பாதுகாப்புப்படைக்குச் சொந்தமான ‘பிளாக் ஹாக்’ ரக ஹெலிகாப்டர் விபத்துக்குள்ளானது.யு. எச்-60 பிளாக் ஹாக் ரக ஹெலிகாப்டர் பராமாரிப்பு சோதனை ஓட்டத்தில் நேற்று ஈடுபட்டிருந்தது. அதில் மினிசோட்டா தேசிய பாதுகாப்புப்படை வீரர்கள் இருந்தனர். உள்ளூர் நேரப்படி பிற்பகல் சுமார் 2.15 மணியளவில் அந்த ஹெலிகாப்டர் தகவல் தொடர்பு நிலையத்துடனான தொடர்பை இழந்தது.

இதையடுத்து, மின்னிபோலிஸ் நகரிலிருந்து 95 கி.மீ தொலைவில் உள்ள செயின்ட் கிளவுடு பகுதியில் ஹெலிகாப்டர் விழுந்து நொறுங்கிக் கிடந்தது தெரியவந்தது. இந்த விபத்தில் அந்த ஹெலிகாப்டர் இருந்த மூன்று வீரர்கள் உயிரிழந்தனர்.

‘மினிசோட்டா தேசிய பாதுகாப்புப்படை வீரர்கள் உயிரிழந்தது அவர்களது குடும்பத்தாருக்கும் நமக்கும் பெரும் சோகத்தை ஏற்படுத்தியுள்ளது. விபத்து தொடர்பாக விசாரணை நடைபெற்று வருகிறது’ என தேசிய பாதுகாப்புப்படை உயரதிகாரிகள் தெரிவித்தனர்.

You can leave a response, or trackback from your own site.