TELOnews.com

ஜனாதிபதித் தேர்தலில் வேட்பாளரொருவரை நிறுத்துவது பற்றித் தமிழ்த் தேசியக் கூட்டமைப்பு ஆலோசிப்பதாகச் செய்தி வெளியாகியிருக்கின்றது. கூட்டமைப்பின் சில முக்கியஸ்தர்களும் இக் கருத்தைத் தெரிவித்திருக்கின்றார்கள்.

இத் தேர்தலில் வேட்பாளரொருவரை நிறுத்துவதன் மூலம் தமிழ்த் தேசியக் கூட்டமைப்பு எதைச் சாதிக்க முயற்சிக்கின்றதென்பது புரியவில்லை. கூட்டமைப்பு நிறுத்தும் வேட்பாளர் வெற்றி பெறுவதற்கான சாத்தியம் இல்லை. Read the rest of this entry »

ஈழத்தமிழர்கள் இப்பொழுதும் ஒரு தெளிவற்ற காலசந்தியில் தான் நிற்கிறார்கள். விடுதலைப் புலிகள் இயக்கம் வீழ்ச்சி அடைந்து ஏறக்குறைய ஏழு மாதங்கள் ஆன பின்பும் ஈழத்தமிழர்கள் இப்பொழுதும் எதிர்காலத்தைக் குறித்த தெளிவற்ற சித்திரங்களுடன் தடுமாறும் ஒரு ஜனக்கூட்டமாகவே காணப்படுகிறார்கள்.

முப்பத்து எட்டு ஆண்டுகால ஆயுதப்போராட்டம் தமிழர்களை அவர்களுடைய “எதிரிகளிடம்” கையளிப்பதில்தான் முடிந்திருக்கிறது. யாழ்ப்பாணத்தில் உள்ள ஒரு ஊடக நண்பர் சொன்னார் “போராட்டம் தொடங்கியபோது கோட்டையிலும், பலாலியிலும், ஆனையிறவிலும் நின்ற ராணுவத்தை இப்பொழுது எங்கள் வீட்டு முற்றத்திலும் கோடியிலும் கொண்டு வந்து நிறுத்திவிட்டு அவர்கள் போய்விட்டார்கள்” என்று. இனி ஒரு ஆயுதப் போராட்டத்தைப் பற்றி கற்பனையே செய்ய முடியாத அளவுக்கு நொந்து நூலாகிப் போய் விட்டார்கள் வன்னி மக்கள். Read the rest of this entry »

ஒவ்வொரு தேர்தல் காலத்திலும் இனப் பிரச்சினை பற்றிய பேச்சு எழுவது வழமை. நடைபெறவுள்ள ஜனாதிபதித் தேர்தல் இதற்கு விதிவிலக்கல்ல. ஒவ்வொரு தேர்தலின் போதும் பேச்சு எழுந்தபோதிலும் இனப் பிரச்சினைக்கு இன்று வரை தீர்வு கிடைக்க வில்லை. இனப்பிரச்சினையின் தீர்வுக்காக அறுபது வருடங்களுக்கு மேலாக நடத்தப்பட்ட ‘போராட்டம்’ எந்தப் பலனையும் அளிக்கவில்லை. சில தலைவர்கள் தங்கள் அரசியல் இருப்புக்காக மாத்திரம் இனப் பிரச்சினையைக் கையாண்டார்களா என்ற சந்தேகத்துக்கு இது இடமளிக்கின்றது. Read the rest of this entry »

ஒரு விடுதலைப் போராட்ட அமைப்பின் வெற்றியானது அது எவ்வாறு சந்தர்ப்பங்களைப் பயன்படுத்தி இராணுவ அரசியல் தந்திரோபாயங்களை வகுத்துக்கொள்கிறது என்பதிலேயும், எவ்வாறு அது தனது நட்பு சக்திகளைத் தன்னுடன் இணைத்து மக்கள் ஆதரவின் மூலம் தனது நோக்கை அடைகின்றதென்பதிலும் தங்கியுள்ளது. அரசியல் இராணுவ உத்திகள், நட்பு சக்திகளை இணைத்துக் கொள்ளல், மக்கள் ஆதரவைத் தொடர்ந்து தக்கவைத்தல், சர்வதேச நிலைகளைப் புரிந்து கொள்ளல் ஆகிய அனைத்தும் ஒரு விடுதலைப் போராட்டத்திலிருந்து பிரிக்க முடியாத முதன்மைக் கூறுகள். இதில் ஒன்று மட்டுமே இருந்தால் போதாது. Read the rest of this entry »

மஹிந்த சிந்தனை என்பது இலங்கை வரலாற்றின் முக்கியமான சந்தர்ப்பத்தில் புகழ்மிக்க திட்டங்களடங்கிய வரலாற்றுப் புகழ்மிக்க ஒரு வரைவாகும். இது ஒரு தேர்தல் உறுதி மாத்திரமன்றி பொதுவாகவே செயல்படுத்த முடியுமான செயலாற்றலுக்குக் கொண்டுவரக் கூடிய ஒரு திட்டமாதலால் இது ஒரு சரித்திரப் பிரசித்தி பெற்ற ஒரு திருப்பமாகவும் உள்ளது. இத்திட்டத்தினை முற்படுத்தும் போது இலங்கைச் சமூகம், பிரிந்து வேறுபட்டு இருந்ததோடு குரோதமனப்பான்மையும் மிக மும்முரமாகவே இருந்தது.

இந்த கோபதாபம் அகற்றப்பட்டு தேசிய ஒற்றுமையை உறுதிப்படுத்தி மனித மனங்களில் பலவந்தமாக புகுத்தப்பட்ட தாழ்வு நிலையை அகற்றி சிறந்த சமூக கட்டமைப்பொன்றை உருவாக்குவதே “வடக்கின் வசந்தமாகும்”. இந்த தேசிய வேலைத் திட்டத்தினூடாக ‘பண்பாட்டு விழுமியங்களை மேம்படுத்துதல், சிசு திரிய,’ போன்றவற்றை தேசிய ரீதியில் அமுல்படுத்தி சமூக மேற்பாட்டிற்கான பல வேலைத் திட்டங்கள் ஆரம்பிக்கப்பட்டுள்ளன. இந்த இலக்கை அடையும் பொருட்டு சமூக அபிவிருத்தி அலுவல்கள் சம்பந்தமான ஆணையாளர் பதவியொன்றையும் நிர்மாணித்துள்ளதோடு கஷ்டப் பிரதேசங்கள் மற்றும் வளம் குன்றிய பகுதிகளும் உள்ளடக்கப்பட்டவாறு செயல்படுவதற்கு அந்த ஆணையாளருக்கு அதிகாரமும் வழங்கப்பட்டுள்ளது. Read the rest of this entry »

இடம்பெயர்ந்த மக்களை மீளக் குடியமர்த்தும் செயற்பாடு அரசியல் அரங்கில் அதிகம் பேசப்படும் விட யமாக இன்றுவரை இருக்கின்றது. அரசாங்கத்துக்கு எதிரான பிரசாரத்தில் எதிரணிக் கட்சிகள் இடம்பெயர்ந்தோர் பிரச்சினைக்கு முக்கியத்துவம் அளிப்பதை அண்மைக் காலமாக அவதானிக்க முடிகின்றது. Read the rest of this entry »

முள்ளிவாய்க்கால் பேரழிவில் ஈழத் தமிழர்கள் தமது படைபலத்தை மட்டும் இழக்கவில்லை, தமது அரசியல் பலத்தையும் சேர்த்தே இழந்துள்ளார்கள் என்பது தற்போதைய கூட்டமைப்பு உறுப்பினர்களின் கதகளி நடனத்தினால் உணர்த்தப்பட்டு வருகின்றது. விடுதலைப் புலிகளின் இராணுவ பலம் சிதைக்கப்பட்ட பின்னரும் அவர்களால் உருவாக்கப்பட்ட தமிழ்த் தேசியக் கூட்டமைப்பு ஈழத் தமிழர்களின் அரசியல் போர்க் களத்தை முன் நகர்த்திச் செல்லும் என்றே தமிழர்கள் நம்பியிருந்தனர். அந்த நம்பிக்கை தற்போது சிதைவடைந்தே செல்கின்றது. Read the rest of this entry »

தமிழ் பேசும் கட்சிகள் கூட்டமைப்பாகச் செயற்பட வேண்டும் என்ற கருத்து மீண்டும் முன்வைக்கப்படுகின்றது. சில வாரங்களுக்கு முன் இது தொடர்பான ஒரு சந்திப்பு இடம்பெற்றது. அதன் பின் அது பற்றிய பேச்சு எழவில்லை.

இச் சந்திப்பில் பங்கு பற்றிய இரண்டு கட்சிகள் இடைப்பட்ட காலத்தில் ஐக்கிய தேசிய முன்னணி என்ற புதிய கூட்டணியில் பங்காளிகளாகின. இவ்விரு கட்சிகளும் ஐக்கிய தேசியக் கட்சியின் நீண்ட கால சகபாடிகள் என்பதால் இவை ஐக்கிய தேசிய முன்னணியில் பங்காளிகள் ஆகியதொன்றும் புதுமையானதல்ல. Read the rest of this entry »

தாய்நாட்டை பயங்கர வாதத்திலிருந்து வெற்றி கொண்டதைப் போன்று இல ங்கையின் கடற்பரப்பை பாது காக்கும் பாரிய பொறுப்பு கடற்படைக்குரியது என்று பாதுகாப்பு செயலாளர் கோத்தாபய ராஜபக்ஷ தெரிவித்தார். கடற்புலிகளை முற்றாக இல்லாதொழித்த இலங்கை கடற்படையினர் உலகில் மிகவும் பிரபல்யம் வாய்ந்த வர்களாக திகழ்வதாக அவர் மேலும் தெரிவித்தார். Read the rest of this entry »

மூன்று தசாப்தங்களுக்குப் பிறகு  மீண்டும் ஒரு தேர்தல். மிகச் சிறிய தேர்தலாக இருந்த போதும் உலக சரித்திரத்தில் கண்டு கேட்டிராத ஆரவாரம். அதற்குக் காரணமும் இருக்கென்றே சொல்லலாம். பழைய காலங்கடந்த இனக்குரோத அரசியலைத் தமிழ்மக்கள்  துறக்கிறோம் என்றதைச் சத்தியப் பிரமாணம் செய்து சிங்களமக்களோடு  ஐக்கியப் படத் தயார் என்பதைச் சமிக்ஞை செய்யக் கிடைத்த முதலும் கடைசியுமான அரிய சந்தர்ப்பம். மனிதர்கள் தமது பிழைகளைச் சரி செய்யவேண்டும் என்னும் எண்ணமிருந்தால் எந்த நிலையிலும் சரி செய்து கொள்ள முடியும். மனிதர்கள் தம்மை எதற்குத் தகுதியுடையவர்களாக்க வேண்டுமென்று யோசிக்கிறார்களோ அதை அவர்கள் அடைவார்கள். Read the rest of this entry »

இலங்கையின் இடதுசாரி இயக்கத்தின் மூத்த பரம்பரையினரில் இறுதியாக உயிரோடு இருந்தவரான கரொலைன் அந்தோனிப்பிள்ளை கடந்த திங்கட்கிழமை மரணமடைந்தார். இறக்கும் போது அவருக்கு 101வது. சென்றவருடம் ஒக்ரோபர் 8ந் திகதி நூறு வயதுப் பூர்த்தியை அவர் கொண்டாடினார்.

இலங்கையின் அரசியல் வரலாற்றில் தமக்கென அழியாத இடம் பதித்த பொரளுகொட வளவு வாரிசுகளுள் ஒருவரே கரோலைன். பிலிப் குணவர்தன, றொபேட் குணவர்தன ஆகியோரின் இளைய சகோதரியான கரோலைன் இளம் வயதிலேயே தீவிரமான அரசியலில் ஈடுபடத் தொடங்கியவர். Read the rest of this entry »

தமிழர் விடுதலைக் கூட்டணித் தலைவர் திரு. வீ. ஆனந்தசங்கரி அவர்கள், அண்மையில் (21.06.2009) ஜனாதிபதி மகிந்த ராஜபக்ச அவர்களுக்கு, வடக்கு கிழக்கில் நிலவும் நிலைமைகள் குறித்து மிக அருமையான கடிதம் ஒன்றை எழுதியிருந்ததை, ‘தேனீ’ இணையத்தளம் மூலமாக வாசித்து மகிழ்ச்சி அடைந்தேன். புலிகளின் எதேச்சாதிகாரப் பிடியில் இருந்து தமிழ்மக்கள் அரசாங்கத்தால் மீட்கப்பட்ட நிலையில், சில ‘குட்டிப் புலிகளின்’ பிடியில், மீண்டும் தமிழ் மக்கள் சிக்குவதை எந்தக்காரணம் கொண்டும் நாம் அனுமதிக்கக் கூடாது. அந்த விடயத்தில் ஆனந்தசங்கரி அவர்களின் கருத்துடன, உண்மையான ஜனநாயகவாதிகள் ஒத்துப்போவார்கள் என்பதில் ஐயமில்லை. Read the rest of this entry »

கலாநிதி இ. முருகையன் நாடறிந்த மூத்த கவிஞர் நாடக எழுத்துருப்படைப்பாளி யாழ்ப்பாணம், சாவகச்சேரியில் பிறந்த இவர் தனது ஆரம்பக் கல்வியை கல்வயல் சைவபிரகாச வித்தியாலசாலை, சாவகச்சேரி இந்துக் கல்லூரிகளில் கற்றார். இரண்டாம் நிலைக் கல்வியை யாழ். இந்துக் கல்லூரியிலும் கொழும்பு பல்கலைக்கழகத்தில் (University of Ceylon) பட்டப் படிப்புபையும் மேற்கொண்டவர். 1956ம் ஆண்டு Bsc பட்டத்தைப் பெற்றுக் கொண்ட இவர், கடந்த காலங்களில் ஆசிரியராக, அரச கரும மொழித் திணைக்களத்தில் மொழி பெயர்ப்பாளராக, ஆசிரியர் கலாசாலை விரிவுரையாளராக கல்வித் திணைக்களத்தின் கல்விப் பணிப்பாளராக, பல்கலைக்கழகத்தில் உதவிப் பதிவாளராக கடமையாற்றியுள்ளார். யாழ்ப்பாணப் பல்கலைக்கழகம் இவருக்கு கெளரவ கலாநிதிப் பட்டம் வழங்கி கெளரவித்துள்ளது. ஈழத்துப் பிரபலமான நாடகக்காரர் சிவானந்தனின் சகோதரர் இவர். 1965 ல் திருமணம் செய்து கொண்ட இவருக்கு இரண்டு பிள்ளைகள். Read the rest of this entry »

இனப் பிரச்சினைக்குத் தீர்வு காண்பதற்காகத் தமிழ்க் கட்சிகள் அனைத்தும் தங்களுடன் கூட்டுச் சேர வேண்டுமெனத் தமிழ்த் தேசியக் கூட்டமைப்பின் மட்டக்களப்பு மாவட்ட பாராளுமன்ற உறுப்பினர் அரியநேத்திரன் அண்மையில் அழைப்பு விடுத்திருந்தார். மறைந்த பாராளுமன்ற உறுப்பினர் பத்மநாதனுக்கான அனுதாபப் பிரேரணை மீது பாராளுமன்றத்தில் உரையாற்றுகையிலேயே இந்த அழைப்பை அவர் விடுத்தார். தமிழ் தேசியக் கூட்டமைப்பின் ஏனைய தலைவர்களும் இவ்வாறான கருத்துகளை அண்மைக் காலத்தில் தெரிவித்திருக்கின்றார்கள். Read the rest of this entry »

தவறிழைக்கும் ஊடகங்கள் தொடர்பில் ஒரு நீதிமன்றத்தைப் போன்று செயற்படுவதற்குப் பாராளுமன்றத்திற்கு இருந்த அதிகாரங்களை இல்லாமற் செய்தமை, சந்திரிகா பண்டார நாயக்க குமாரதுங்கவின் ஆட்சிக் காலத்தில் மேற்கொள்ளப்பட்ட ஒரு முட்டாள்தனமான நடவடிக்கையாகுமென்று சபாநாயகர் டபிள்யூ. ஜே. எம். லொக்குபண்டார தெரிவித்தார். பத்திரிகையொன்றில் வெளியான கவனக்குறைவான அறிக்கையிடுதல் தொடர்பாக தகவல் ஊடகத்துறை பதில் அமைச்சர் லக்ஷ்மன் யாப்பா அபேவர்தன சபையில் திருத்தத்தைத் தெரிவித்தபோதே சபாநாயகர் இதனைத் தெரிவித்தார். Read the rest of this entry »