TELOnews.com

நபிகள் நாயகம் ஸல்லல்லாஹூ அலை ஹிவஸல்லம் அவர்களது பிறந்த தினத்தைக் குறிக்கும் வகையில் ‘மர்கஸூஸ் ஸலாமா’ அமைப்பு ஏற்பாடு செய்துள்ள விசேட கருத்தரங்கமும் சொற்பொழிவு நிகழ்வும் நாளை ஞாயிற்றுக்கிழமை கொழும்பில் நடைபெறுகின்றன.

இந்நிகழ்வுகளில் விசேட அதிதியாக இந்தியாவின் பிரபல எழுத்தாளரும் விமர்சகருமான பேராசிரியர் அ. மார்க்ஸ் கலந்து கொள்ளவுள்ளார்.

நாளை ஞாயிற்றுக்கிழமை மு.ப 9 மணி முதல் பி.ப. 2 மணி வரை சர்வதேச கற்கைகளுக்கான பண்டாரநாயக்கா நிலையத்தில் நடைபெறும் கருத்தரங்கில் பேராசிரியர் அ. மார்க்ஸ் ‘முஹம்மது நபி – சமூக அரசியல் ஆளுமை’ எனும் தலைப்பில் சிறப்புரை ஆற்றவுள்ளார். Read the rest of this entry »

கொழும்பிலிருந்து ஒலிபரப்பாகிவரும் டான் தமிழ்ஒலி வானொலி (ரிஆர்ரி தமிழ்அலை) தற்போது புதிய அலைவரிசையில் ஒலிபரப்பாகிவருகின்றது. சன் ரிவி ஒளிபரப்பாகும் யூரோபேர்ட் சட்டலைற்றில் (9பாகை) ஒலிபரப்பாகும் இந்த வானொலி 11919 V, S/R:27500 FEC : 3/4 என்ற அலைவரிசையில் டான் தமிழ் றேடியோ என்ற பெயரில் ஒலிபரப்பாகின்றது. Read the rest of this entry »

கனடிய தமிழர் ஜனநாயக விழிப்புணர்வு மன்றம் வேண்டுகோள்.

இலங்கையில் 2010 ஜனவரி 26ல் ஜனாதிபதி தேர்தல் நடைபெற்றதைத் தொடர்ந்து, ஏப்ரல் 08ம் திகதி பாராளுமன்றப் பொதுத் தேர்தல் நடைபெறவுள்ளது. 1948ல் சுதந்திரம் பெற்ற நாளிலிருந்து, பாராளுமன்ற ஜனநாயகத்தைத் தொடர்ந்து கடைப்பிடித்து வரும் நாடுகளில் ஒன்று என்ற வகையில், இத்தேர்தல் இலங்கை மக்களுக்கு மிக முக்கியமானதாகும். கடந்த ஜனாதிபதி தேர்தலின் போது, முன்னாள் இராணுவத்தளபதி சரத் பொன்சேகாவின் உருவத்தில், இலங்கையின் பாராளுமன்ற ஜனநாயகத்துக்கு ஆபத்து ஏற்படும் ஒரு சூழ்நிலை உருவான போதும், நாட்டு மக்களில் பெரும்பாலோர் எடுத்த, புத்திசாலித்தனமானதும், தீர்க்கதரிசனமிக்கதுமான முடிவால், அவர் தோற்கடிக்கப்பட்டு, ஜனநாயகம் பாதுகாக்கப்பட்டமை, நமது நாட்டு மக்கள் ஜனநாயகத்தின் மீது கொண்டிருந்த அசையாத பற்றுறுதியை எடுத்துக்காட்டியது. Read the rest of this entry »

கிளிநொச்சி மாவட்டத்திற்குட்பட்ட பூனகரி பகுதியில் சிவில் நிர்வாகத்தை மேம்படுத்தும் பொருட்டு புதிய பொலிஸ் நிலையம் ஒன்று பொலிஸ்மா அதிபரினால் திறந்து வைக்கப்பட்டிருக்கின்றது. வன்னிப்பிரதேசம் விடுதலைப் புலிகளிடமிருந்து முழுமையாக விடுவிக்கப்பட்டிருப்பதையடுத்து அப்பகுதிகளில் சட்டம் ஒழுங்கை அமுல்ப்படுத்தும் முகமாக அரசாங்கம் சிவில் நிர்வாக நடவடிக்கைகளை முன்னெடுத்து வருகின்றது. Read the rest of this entry »

இலங்கையில் 1978ம் ஆண்டு கொண்டுவரப்பட்ட அரசியல் அமைப்பு மாற்றத்தின் பின் நிகழும் ஏழாவது பாராளுமன்றத்துக்காக தேர்தலில் தமிழ் தேசிய கூட்டமைப்பு தனித்து போட்டியிட தீர்மானித்துள்ளதாக அதன் நாடாளுமன்ற உறுப்பினர் சுரேஸ் பிரேமச்சந்திரன் அறிவித்துள்ளார். Read the rest of this entry »

பிபிசி-தமிழோசை ஒலிபரப்பானது நீண்டகாலமாக இலங்கை ஒலிபரப்புக் கூட்டுத்தாபனம் (எஸ்எல்பிசி) ஊடாக பரிவர்த்தனை ஒலிபரப்பு செய்யப்பட்டபோதும் கடந்தகால உள்நாட்டு மோதல்களின் போது, சில வருடங்களுக்கு முன், பல்வேறு காரணங்களினால் நிறுத்தப்பட்டிருந்தது.

தற்போது, உள்நாட்டு யுத்தம் முடிவுக்கு வந்த நிலையில் இலங்கை ஒலிபரப்புக் கூட்டுத்தாபனம் ஊடாக பிபிசி-தமிழோசை ஒலிபரப்பு மீண்டும் ஆரம்பிக்கப்படவுள்ளது. Read the rest of this entry »

பிரித்தானியாவின் பிரதான எதிர்க்கட்சியான கொன்சவேட்டி கட்சியின் முன்னணித் தலைவர்களில் ஒருவரான பிரித்தானிய பாராளுமன்ற உறுப்பினர் டாக்டர் லியம் பொக்ஸ் இவ்வார இறுதியில் இலங்கைக்கு வருகை தரவுள்ளதாக தெரிவிக்கப்படுகிறது. Read the rest of this entry »

வரலாறு காணத உச்சத்தில் நேற்றைய கொழும்பு பங்கு சந்தை சுட்டெண் அதிகரித்துள்ளதாக தெரிவிக்கப் படுகிறது. நேற்றைய பங்கு வர்த்தகத்தின் மதிப்பு 2.58 பில்லியன் ரூபாய்.

கொழும்பு பங்கு பரிவர்த்தனை நிலைய குறிப்பின் படி, அனைத்துப் பங்குகளுக்குமான விலைச்சுட்டி (ASPI-All Share Price Index) 2.23 சதவீதம் (82.65 புள்ளி) உயர்ந்து 3,789.37 புள்ளியில், மிலங்க விலைச்சுட்டி (Milanka Price Index -MPI) 2.45 சதவீதம் (104.57 புள்ளி) உயர்ந்து 4,373.75 புள்ளியில் கொழும்பு பங்குச் சந்தை நேற்றைய தினம் மூடப்பட்டுள்ளது. . Read the rest of this entry »

தமிழ் கூட்டமைப்பு வரும் பாராளுமன்ற பொதுத் தேர்தலில் `சமஸ்டி` கோரிக்கையை அரசியல் தீர்வாக முன்வைத்து வடக்கு கிழக்கில் தேர்தலில் போட்டியிடப் போவதாக ஒரு `அரசியல் விளையாட்டை` மீண்டும் ஆரம்பித்துள்ளது. கூட்டமைப்பின் இந்த அரசியல் விளையாட்டு எவ்வளவு தூரம் நடைமுறைச் சாத்தியமானது என்பதை இந்திய உபகண்ட அரசியலின் புதிய யதார்த்தை ஓரளவு உள்வாங்கியவர்கள்கூட அனுமானிக்க முடியும். Read the rest of this entry »

ஜனாதிபதித் தேர்தலில் யாழ். குடாநாட்டில் சுமார் 47.48 வீத வாக்களிப்பு இடம்பெற்றுள்ளதாக கூட்டமைப்பின் முத்தலைமைகளில் ஒருவரான யாழ் மாவாட்ட பாராளுமன்ற உறுப்பினர் சுரேஸ் பிரேமச்சந்திரன் தெரிவித்துள்ளார்.

நடைபெற்று முடிந்த ஜனாதிபதி தேர்தல் தமிழர் தாயகப் பகுதிகளில் வாழும் 75 சதவிகிதத்திற்கும் மேற்பட்ட தமிழ் மக்கள் தேர்தலை புறக்கணித்துள்ளனரென கூட்டமைப்பின் யாழ். மாவட்ட பாராளுமன்ற உறுப்பினரான செல்வராசா கஜேந்திரன் விடுத்த அறிக்கைக்கு பதிலடியாகவே சுரேஸ் மேற்படி கருத்தை வெளியிட்டுள்ளார். Read the rest of this entry »

கடந்த பத்து வருடங்களுக்கு மேலாக இயங்கி வந்த தமிழ்நேஷன் (tamilnation.org) இணையம் கடந்த 25ம் திகதியுடன் தனது தளத்தினை மூடியுள்ளதாக அறிவித்துள்ளது. இதே போல் சில மாதங்களுக்கு முன் புதினம் மற்றும் தமிழ்நாதம் போன்ற இணையங்களும் தமது தளங்களை மூடின.

இந்த வரிசையில் அதிர்வு இணையமும் நேற்று முதல் சேர்ந்துள்ளது போல் உள்ளது. இதனை உறுதியாக சொல்ல முடிய வில்லை. Read the rest of this entry »

நடந்து முடிந்த ஜனாதிபதி தேர்தலில் ஜெனரல் சரத் பொன்சேகாவை ஆதரிக்கும் முடிவை கூட்டமைப்பு எடுக்க முக்கிய காரணமான சம்பந்தனின் அரசியல் நிலைப்பாட்டை கூட்டமைப்பின் யாழ் மாவட்ட பாராளுமன்ற உறுப்பினர் சே. கஜேந்திரன் வன்மையாக சாடியுள்ளார்.

சம்பந்தன் எடுத்த ‘முடிவு’ குறித்து சே. கஜேந்திரன் தன்னிலை விளக்க அறிக்கை ஒன்றை வெளியிட்டுள்ளார். Read the rest of this entry »

தற்போதுள்ள இலங்கை பாராளுமன்றம் தனது ஆறு வருட  ஆயுள்காலத்தை வரும் ஏப்பிரல் மாதம் 2ம் திகதியுடன் நிறைவு செய்வதால்  புதிய பாராளுமன்றத்துக்கான தேர்தல் ஒன்று விரைவில் வரவுள்ளது.

வரும் மார்ச் மாதம் மூன்றாம் அல்லது நான்காம் வாரங்களில் புதிய பராளுமன்ற தேர்தல் வரலாமென கொழும்பு அரசியல் வட்டாரங்கள் கருத்து தெரிவிக்கின்றன.

தற்போதுள்ள பாராளுமன்றத்தை கலைத்து புதிய பாராளுமன்றத்துக்கான மக்கள் ஆணையை கோருமாறு ஜனாதிபதி வர்த்தமானி அறிவித்தலை இன்னும் இரண்டு அல்லது மூன்று தினங்களுக்குள் வெளியிடலாமென எதிர்பார்க்கப்படுகிறது.

ஐக்கிய மக்கள் சுதந்திர முன்னணியின் வேட்பாளர் மஹிந்த ராஜபக்ஷ 1,825,244 அதிகபடியான வாக்குகளால் நேற்று இடம்பெற்ற ஆறாவது ஜனாதிபதி தேர்தலில் வெற்றிபெற்று இலங்கையின் எட்டாவது நிறைவேற்று அதிகாரமுள்ள ஜனாதிபதியாக தேர்ந்தெடுக்கப் பட்டுள்ளாரென தேர்தல் ஆணையாளர் தயானந்த திஸாநாயக்க  அறிவித்துள்ளார்.

தேர்தல்கள் ஆணையாளர் தேர்தல் செயலகத்தில் இன்று மாலை உத்தியோக பூர்வமாக  இதனை அறிவித்தார்.

தேர்தல் இறுதி முடிவுகளின் படி ஜனாதிபதி மஹிந்த ராஜபக்ஷ 6,015,934 (57.88%) வாக்குகளையும், எதிர்க்கட்சிகளின் பொது வேட்பாளர் ஜெனரல் சரத் பொன்சேகா 4,173,185(40.15%) பெற்றுள்ளனர். பதியப்பட்ட மொத்த வாக்குகள் 10,495,451 .செல்லுபடியான மொத்த வாக்குகள் 10,393,613

இலங்கையில் நடைபெற்று முடிந்த எட்டாவது ஜனாதிபதிக்கான ஆறாவது ஜனாதிபதி தோ்தலின் இதுவரை வெளியிடப்பட்டுள்ள முடிவுகளின் படி தற்போதைய ஜனாதிபதியாகவுள்ள மகிந்த ராஜபக்ச எதிரணி வேட்பாளர் சரத் பொன்சேகாவை விட 863,460 மேலதிக வாக்குகள் பெற்று முன்னணியிலுள்ளார்.

இதன்படி சற்று நேரத்திற்கு முன்னர் வெளியிட்ட முடிவுகளின் பிரகாரம் மகிந்த ராஜபக்சவுக்கு 2,340,049 வாக்குகளும், எதிர்த்துப் போட்டியிட்ட சரத் பொன்சேகாவுக்கு 1,476,589 வாக்குகளும் கிடைத்துள்ளதாக அறிவிக்கப்பட்டுள்ளது.