TELOnews.com

ஐரோப்பாவில் கேட்கக்கூடிய செய்மதித் தமிழ் வானொலியில் நேற்று (மே. 7) தொலைபேசி ஊடாக கேட்கப்பட்ட கேள்வி யொன்றுக்கு பதில் அளிக்கும் போது புலிகளின் அரசியல் துறைப் பொறுப்பாளர் நடேசன் `இலங்கை இராணும் இறுதியில் ஏமாற்றத்தை சந்திக்கும்` என்றார். வெள்ளமுள்ளி வாய்க்கால் பிரதேசத்தில் யுத்த நடவடிக்கைகளற்ற வலயத்தில் பொது மக்களை மனிதகேடயங்களாகப் பயன்படுத்தி அங்குள்ள மிகப் பாதுகாப்பான பதுங்கு குழிகளில் மறைந்திருக்கும் புலிகள் இயக்க மேல்மட்டத் தலைவர்கள் அங்கிருந்து தப்பிப்போக முடியாத வகையில் அப்பகுதியின் கடற்பரப்பு உட்பட தரை மார்க்கமாக ஐந்து முனைகளில் சுற்றி வளைக்கப்பட்டுள்ளதாக பாதுகாப்புத் தரப்பு திடமான தகவல் வெளியிடும் நிலையில், நடேசனின் சூசகமான இக்கூற்று சற்று கவனம் செலுத்தப்பட வேண்டியது. Read the rest of this entry »

இருபத்தி மூன்று ஆண்டுகளுக்கு முன் எமது தலைவர் புலிகளால் எங்கு வீழ்த்தப்பட்டாரோ அதே இடத்தில் இந்த வருடம் சிறீ-ரெலோ இயக்கத் தோழர்களால் சிறீ அண்ணாவின் நினைவேந்தும் நிகழ்வு நடத்தப்பட்டுள்ளது. கோண்டாவில் பகுதியில் உள்ள மூன்று கோவிலடி – அன்னங்கை எனும் இடத்தில் தமிழ் ஈழ விடுதலை இயக்கத்தின் தலைவர் சு. சிறீ சபாரட்னம் அவர்களின் 23வது நினைவேந்தும் நிகழ்வு நேற்று (மே. 6) சிறீ-ரெலோவின் யாழ் மாவட்ட பொறுப்பாளர் சங்கிலியன் தலைமையில் நிகழ்ந்துள்ளது. இந்நிகழ்வில் ஈபிடிபியின் யாழ் மாவட்ட முக்கியஸ்தர்களும் பொது மக்களும் கலந்து கொண்டனர். அமரர் சிறீ சபாரட்னம் அவர்களின் உருவப்படம் வைக்கப்பட்டு நினைவு தீபங்கள் ஏற்றப்பட்டன. இந்நிகழ்ச்சியின் சில காட்சிகளை கீழே காணலாம். Read the rest of this entry »

பொதுமக்கள் பாதுகாப்புக்குக்கென அரசு நிர்ணயம் செய்த யுத்த சூனிய பிரதேசத்தை புலிகள் தமது கடைசி பதுங்கும் இடமாக்கி யுள்ளனர். யுத்த தவிர்ப்பு வலயத்தை புலிகள் மோதல் பிரதேசமாக்கியுள்ளதோடு ஆயிரக்கணக்கான மக்களை மனித கேடமாக்கி யுள்ளனர். வன்னி மனிதாபிமான நடவடிக்கையையின் இறுதி கட்டமாக படையினர் நேற்று (மே. 6) புலிகளின் கடைசி மண் அணை ஒன்றை அழித்து வெள்ளமுள்ளி வாய்க்கால் நோக்கி மேலும் முன்னேறியுள்ளனர்.

ஊரான் வீட்டு பிள்ளையின் கையில் நச்சுக் குப்பி கொடுக்கும் ‘அதி மேதகு தேசிய தலைவர்’ சொந்தப் பிள்ளையின் கையில் வெள்ளிக்கத்தி கொடுத்து மகன் பிறந்தநாள் `குதப்பி` வெட்டும் அழகைக் கண்டு களிக்கும் பரவச நிலையில் மனைவியுடன் காட்சியளிக்கிறார். Read the rest of this entry »

தமிழ் மக்களின் அரசியல் உரிமைப் போராட்டத்தில் தமிழ் ஈழ விடுதலை இயக்கம், தனது முதலாவது தலை முறைத் தலைமைகளை தெற்கின் இன வெறிக்கு இரை கொடுத்தது. ரெலோ தனது இரண்டாவது தலை முறைத் தலைமையையும் நூற்றுக்கணக்கான போராளிகளையும் வடக்கின் பயங்கரவாதத்திற்கு காவு கொடுத்தது. இன்று, எமது மனங்களில் என்றும் அழியாத சிறீயண்ணாவையும் மற்றும் போராளிகளையும் புலிகளின் பாசிச அரசியலில் முதற்காலடி நர வேட்டை ஆடிய இருபத்தி மூன்றாம் வருட நினைவேந்தும் நாள். Read the rest of this entry »

புலிகளின் தலைவர் வேலுப்பிள்ளை பிரபாகரன் முல்லைத்தீவு மாவட்டத்தில் படையினரால் விடு விக்கப்படாமல் எஞ்சியுள்ள சுமார் நான்கு சதுரகிலோமீட்டர் பரப்பளவில் தங்கியிருப்பதாக பிரதமர் ரட்ணசிறி விக்கிரமநாயக்க இன்று பாராளுமன்றத்தில் தெரிவித்திருந்தார். Read the rest of this entry »

அரசினால் பொது மக்களின் பாதுகாப்புக்கென அறிவிக்கப்பட்ட `யுத்த சூனிய வலயம்` புலிகளால் `மோதல் பிரதேசம்` ஆக மாற்றப்பட்டு ஆயிரக்கணக்கான தமிழ் மக்கள் மனித கேடயமாக்கப்பட்டுள்ளனர். புலிகளின் பிடியில் சிக்கியுள்ள பொது மக்களை மீட்டும் `வன்னி மனிதாபிமான நடவடிக்கை` இறுதிக் கட்டத்தை அடைந்துள்ளதாக பாதுகாப்பு அமைச்சு இன்று (மே. 5) அறிவித்துள்ளது. வெள்ளமுள்ளி வாய்க்கால் பகுதியில் பிரபாகரன் உட்பட எஞ்சியுள்ள புலிகளின் தலைவர்கள் 4.5 சதுர கிலோ மீட்டரைவிட குறைவான மிகச்சிறிய நிலப்பரப்பினுள் சுற்றி வளைக்கப்பட்டிருப்பதாக தெரிவிக்கப்படுகிறது. Read the rest of this entry »

ஜனாதிபதி மகிந்த ராஜபக்சவை தமிழ் தேசிய கூட்டமைப்பு உட்பட அனைத்து தமிழ்க் கட்சிகளும் இன்று (மே. 5) மாலை சந்தித்து வன்னியில் இடம்பெயர்ந்த மக்களின் நிலைமை தொடர்பாகப் பேச்சு வார்த்தைகளை நடத்தவிருக்கின்றன. வன்னியில் இருந்து இடம்பெயர்ந்த மக்களின் உடனடி நிவாரணம்  மற்றும் மீள் குடியேற்றம் தொடர்பாக அரச சார்பற்ற நிறுவங்கள் சில ஏற்பாடு செய்யப்பட்டிருந்த கூட்டம் ஒன்று கொழும்பில் கடந்த வாரம் நடைபெற்றது. இதில் தமிழ்த் தேசியக் கூட்டமைப்பு உட்பட தமிழ்க் அரசியல் கட்சிகள் மற்றும் அரச சார்பற்ற நிறுவனங்கள் பலவும் கலந்துகொண்டன. Read the rest of this entry »

அவுஸ்ரேலியாவில் சிட்னி – பரமற்ர பகுதியில் கடந்த இரு தினங்களாக சாகும் வரை உண்ணா விதரம் இருந்து வந்த வேந்தன், தீபன் மற்றும் சுதா என்பவர்கள் சிட்னி பொலிசாரால் கைது செய்யப்பட்டுள்ளதாக செய்திகள் வெளியாகியுள்ளன. மேற்படி கைது செய்யப்பட்ட மூவரும் உடனடி வைத்திய பரிசோதனைக்கு உட்படுத்த பரமற்ர பகுதியில் உள்ள பொது மருத்துவ மனைக்கு சிட்னி பொலிஸாரால் கொண்டு செல்லப்பட்டதாக சொல்லப்படுகிறது. Read the rest of this entry »

ஆளும் ஐக்கிய மக்கள் சுதந்திர முன்னணியின் தேசிய பட்டியல் ஊடாக தயா மாஸ்ரரை நியமன நாடாளுமன்ற உறுப்பினராக்குவதன் மூலம் தொடர்ந்து போர் புரியும் புலிகள் தரப்பில் உள்ளவர்களுக்கு படையினரிடம் சரணடையும் வழிவகைகளை மேலும் நம்பிக்கை ஊட்டலாமென அரசுக்கு ஆலோசனை வழங்கப்பட்டுள்ளதாக மக்கள் விடுதலை முன்னணியின் ஆதரவு இணையமொன்று செய்தி வெளியிட்டுள்ளது. இவ்வாறு தயா மாஸ்ரர் நியமன நாடாளுமன்ற உறுப்பினராவதற்கு தற்போது ஆளும் ஐக்கிய மக்கள் சுதந்திர முன்னணியின் தேசிய பட்டியல் ஊடாக வந்த நாடாளுமன்ற உறுப்பினர் ஒருவர் இராஜினாமா செய்து தனது இடத்தை தர வேண்டியிருக்கும்.

எம் இனத்திற் குள்ளேயே இருந்த புல்லுருவிகள் பாசிசப் புலிகளின் சகோதரப் படுகொலையால் உயிர்நீத்த எமது தலைவர் சிறீ சபாரத்தினமும் அவரோடு சேர்த்து புலிகளால் குதறப்பட்ட உறுப்பினர்களினதும் 23ம் ஆண்டு பிரார்த்த தினத்தை நினைவு கூறும் நாம், புலித் தலைமையின் சர்வாதிகாரப் போக்கினால் எம் இனத்தின் வாழ்வியலே திசைமாறிப் போய், அகதிகளாய் அல்லல் பட்டுக் கொண்டிருக்கின்ற அப்பாவி மக்களின் இருப்பையும் நிம்மதியும், சுதந்திரமானதுமான வாழ்வை பெற்றுக் கொடுக்க எமது தலைவர் சிறீ அண்ணா வழியினிலே தோளோடு தோள் நிற்போம்.

“ கருத்து முரண்பாட்டிற்கு  சரீர ஒழிப்பு சிறந்ததல்ல ”
               – தலைவர் சிறீ சபாரத்தினம்

(23 வது ஆண்டு நினைவேந்தும் சுவரொட்டிகள் தாயகத்தில் பல இடங்களில் காணக்கூடிய இருந்தது. அந்த சுவரொட்டியில் மேலுள்ள வாசகங்கள் காணப்படுகின்றது) 

Read the rest of this entry »

தமிழ் தேசியக் கூட்டமைப்பின் சில பாராளு மன்ற உறுப்பினர்கள் உட்பட மற்றும் தமிழ் அரசியல் கட்சிகளின் தலைவர்கள் வரும் செவ்வாய் கிழமை (மே. 5) ஜனாதிபதியுடன் சந்திக்க உள்ளனர். அச்சந்திப்பில் வன்னியில் இடம்பெயர்ந்து வந்து முகாம்களில் வாழும் மக்கள் எதிர்நோக்கும் பிரச்சினைகள் குறித்து ஜனாதிபதியுடன் விரிவாக பேசவுள்ளதாக கூட்டமைப்பின் பாராளுமன்ற உறுப்பினர் ஒருவர் ரெலோ நீயூஸ்க்கு தெரிவித்தார்.

வல்வெட்டித்துறையை பிறப்பிடமாகக் கொண்ட புலிகளின் பிரதித் தலைவராக இருந்த மாத்தையா என்றழைக்கப்பட்ட கோபாலச்சாமி மகேந்திரராஜாவின் மனைவியும் மூன்று பிள்ளைகளும் நேற்று (மே. 1) இராணுவத்தால் விடுவிக்கப்பட்ட பிரதேசத்துக்கு வந்துள்ளதாக கொழும்பு இருந்து வெளிவரும் ஆங்கிலப் பத்திரிக்கையான `ஐலண்ட்` செய்தி வெளியிட்டுள்ளது. இந்திய புலனாய்வு துறைக்கு புலிகளின் தலைமை குறித்த தகவல்களை வழங்கியதாக மாத்தையா மீது குற்றஞ் சாட்டிய புலிகள் 1994 டிசம்பர் 25 ஆம் திகதி அவருக்கு மரண தண்டனை நிறைவேற்றினார்கள். Read the rest of this entry »

வவுனியாவில் நேற்று (மே. 1) இரவு தமிழ் ஈழ மக்கள் விடுதலை கழகத்தின் (PLOTE) இராணுவப் பொறுப்பாளர், மாவட்ட பொறுப்பாளார் உட்பட 18 பேர் வவுனியா பொலிஸாரினால் கைது செய்யப்பட்டுள்ளனர். கைது செய்யப்பட்டவர்களில் நெடுமாறன், சூரி, சிவா, மோகன் என பல முக்கிய புளொட்டின் உறுப்பினர்கள் அடங்குவதாக கொழும்பில் உள்ள ஒரு தேசிய தமிழ் பத்திரிகையின் வவுனியா நிருபர் தெரிவித்தார். மே தினமாக நேற்று இரவு கொள்ளை சம்பவம் ஒன்றில் ஈடுபட்ட போதே இவர்கள் கைது செய்யப்பட்டதாக வவுனியா பொலிஸ் வட்டாரங்கள் தெரிவிக்கின்றன.

கொழும்பிலிருந்து ஒலிபரப்பாகும் டான் தமிழ் ஒலி வானொலியில் பிரதி சனிக்கிழமை தோறும் இடம்பெறும் உறவுப்பாலம் நிகழ்ச்சியில்  இன்று சனிக்கிழமை 02.05.2009 ஐரோப்பிய நேரம் இரவு 10 மணிக்கு கூட்டணித் தலைவர் வி.ஆனந்தசங்கரி அவர்கள் கலந்துகொள்கிறார். நிகழ்ச்சியில் கலந்துகொள்ள அழைக்கவேண்டிய தொலைபேசி இலக்கம்: 0033 1 48 35 32 00. டான் தமிழ்ஒலி வானொலியை ஐரோப்பா மற்றும் மத்திய கிழக்கு நாடுகளில் ரிஆர்ரி தமிழ்அலை வானொலியூடாக கேட்கலாம். ஹொட்பேர்ட் சட்டலைற்றில் ஒலிபரப்பாகும் இந்த வானொலியை, http://www.trttamilalai.com/ என்ற இணையத்தளம் ஊடாகவும் கேட்கலாம்.