TELOnews.com

உலகிலேயே அதிக அளவில் ஆயுதம் வாங்கும் நாடுகளின் பட்டியலில் அமெரிக்கா முதலிடத்தில் இருக்கிறது. அதற்கு அடுத்த இடத்தில் சீனா இருக்கிறது. சீனா 2008-ம் ஆண்டு 4 லட்சத்து 20ஆயிரம் கோடி ரூபாய்க்கு ஆயுதங்களை வாங்கி இருக்கிறது. இது கடந்த ஆண்டை விட 10 சதவீதம் அதிகம் ஆகும்.

நவீன நீர்மூழ்கி கப்பல்கள், போர்க்கப்பல்கள், போர்விமானங்கள் ஆகியவற்றை வாங்கி குவித்து உள்ள சீனா, உலக ஆயுத வர்த்தகத்தில் 6 சதவீதத்துக்கு ஆயுதங்களை வாங்கி வருகிறது. இங்கிலாந்து, பிரான்சு ஆகியநாடுகளை விட அதிக அளவில் ஆயுதங்களுக்கு சீனா செலவிடுகிறது. இந்த தகவல்களை ஸ்டாக்ஹோம் சர்வதேச அமைதி ஆராய்ச்சி நிறுவனம் தெரிவித்து உள்ளது.

உலக அளவில் கடந்த ஆண்டு ஆயுதங்களை வாங்குவதற்கு 73 லட்சத்து 20 ஆயிரம் கோடி ரூபாய் செலவிடப்பட்டு உள்ளது. இது கடந்த 10 ஆண்டுகளை விட 45 சதவீதம் அதிகம் ஆகும்.

You can leave a response, or trackback from your own site.