TELOnews.com

நாட்டுக்கு வருகைத்தரும் எதிர்பார்ப்பில் இந்தியாவில் தங்கியுள்ள இலங்கையர்களை இன்றைய தினம் (12) அழைத்துவரவுள்ளதாக இராணுவத் தளபதி லெப்டினன் ஜெனரல் சவேந்திர சில்வா தெரிவித்துள்ளார்.

சென்னையில் தங்கியுள்ள 479 இலங்கையர்களே இன்று நாட்டுக்கு அழைத்துவரப்படவுள்ளதாக அவர் கூறியுள்ளார்.

நாட்டுக்கு அழைத்துவரப்பட்ட பின்னர் அவர்களை தனிமைப்படுத்தல் நிலயங்களுக்கு அனுப்பி வைக்க உள்ளதாகவும் அவர் தெரிவித்துள்ளார்.

முப்படையினரால் நிர்வகிக்கப்படும் தனிமைப்படுத்தல் மத்திய நிலையங்களில் இருந்து இதுவரை சுமார் எழாயிரத்திற்கும் அதிகமானவர்கள் தனிமைப்படுத்தல் செயற்பாடுகளை வெற்றிகரமாக நிறைவு செய்து வீடு திரும்பியுள்ளதாகவும் அர் தெரிவித்துள்ளார்.

அண்மையில் அவுஸ்திரேலியாவில் இருந்தும் மலேசியாவிலிருந்தும் இலங்கைக்கு அழைத்துவரப்பட்ட சுமார் 450 பேர் தொடர்ந்தும் தனிமைப்படுத்தல் மத்திய நிலையங்களில் தனிமைப்படுத்தலுக்கு உட்படுத்தப்படுவதாக அவர் தெரிவித்தார்.

நேற்றைய தினத்தில் 279 பேர் தனிமைப்படுத்தல் மத்திய நிலையங்களில் இருந்து வெளியேறியதாகவும் அவர் மேலும் தெரிவித்தார்.

மூலம்/ஆக்கம் : இணையத்தள செய்தி

You can leave a response, or trackback from your own site.