TELOnews.com

பிரபல பாதாள உலக குழு உறுப்பினரான அங்கொட லொக்கா மற்றும் பெத்தியாகொட சங்க ஆகியோரின் உதவியாளர்கள் இருவர் ஹெரோயினுடன் கைது செய்யப்பட்டுள்ளனர். இன்று (13) காலை முல்லேரியா பொலிஸ் பிரிவிற்குட்பட்ட உடுமுல்ல பகுதியில் வைத்து குறித்த நபர்கள் 5 கிராம் ஹெரோயினுடன் கைது செய்யப்பட்டுள்ளனர்.

கைது செய்யப்பட்டவர்களில் ஒருவரான 32 வயதுடைய விதானகமகே கயான் தர்ஷன எனும் கய்யா என்பவர் அங்கொட லொக்காவின் உதவியாளர் என பொலிஸார் தெரிவிக்கின்றனர்.

குறித்த நபர் 2019 ஆம் ஆண்டு ஹங்வெல்ல பொலிஸ் பிரிவிற்குட்பட்ட பகுதியில் சுமேத எனும் மணல் வியாபாரி கொலை சம்பவம் தொடர்பான பிரதான சந்தேக நபர் என தெரிவிக்கப்படுகின்றது.

இதேவேளை நதீக சேபால தஸநாயக்க எனும் ரன் கேல்ல என்பவர் பெத்தியாகொடவின் உதவியாளர் என பொலிஸார் தெரிவிக்கின்றனர்.

You can leave a response, or trackback from your own site.