இன்றைய சர்வக்கட்சிக் குழுக் கூட்டத்தில் த.தே.கூ. பங்கேற்கும் : அரியநேத்திரன்
ஜனாதிபதியின் அனைத்துக் கட்சிகளை உள்ளடக்கிய அபிவிருத்தி மற்றும் ஒருமைப்பாட்டுக்கான சர்வ கட்சி குழு இன்று முதல் தடவையாகக் கூடும் போது, தமிழ்த் தேசியக் கூட்டமைப்பும் அதில் கலந்து கொள்ளும் எனத் தெரிவிக்கப்படுகின்றது. இன்று வியாழக்கிழமை ஜனாதிபதி செயலகத்தில் இக்குழுவின் முதலாவது கூட்டம் நடைபெறவிருக்கின்றது. இக்கூட்டத்தில் கலந்து கொள்வது என நேற்றிரவு தமது கட்சி நாடாளுமன்ற உறுப்பினர்கள் முடிவெடுத்துள்ளதாக பா.அரியநேத்திரன் தெரிவித்தார்.
திருகோணமலையில் தங்கியிருக்கும் கட்சியின் தலைவர் இரா.சம்பந்தனுடன் தொலைபேசியில் இது தொடர்பாக ஆராயப்பட்டதாகவும், யாழ்ப்பாணத்திலும் வவுனியாவிலும் தங்கியிருக்கும் நாடாளுமன்ற உறுப்பினர்களும் இதற்கு இணக்கம் தெரிவித்ததாகவும் அவர் கூறினார்.
நாடாளுமன்ற உறுப்பினர் என். சிறீகாந்தா தலைமையில் த.கனகசபை, கே.துரைரட்னசிங்கம், வினோ நோகதாரலிங்கம், கிஷோர் சிவநாதன் ஆகியோர் தமது கட்சி சார்பில் இக்கூட்டத்தில் கலந்து கொள்வார்கள் என்றும் அவர் மேலும் குறிப்பிட்டார்.
மூலம்/ஆக்கம் : இணையத்தள செய்திYou can leave a response, or trackback from your own site.
Leave a Reply