TELOnews.com

எதிர்க்கட்சித் தலைவர் இரண்டு வார காலத்திற்கு பாராளுமன்றத்தில் ஒதுக்கப்பட்ட நேரத்தை விட 200 நிமிடங்களுக்கு மேல் பயன்படுத்தியதாகக் கூறிய அரசாங்கத்தின் பிரதம கொறடா பிரசன்ன ரணதுங்க, நேரத்தை நிர்வகிக்க நடவடிக்கை எடுக்குமாறு சபாநாயகரிடம் வலியுறுத்தியுள்ளார்.

பாராளுமன்றத்தில் ஆளும் மற்றும் எதிர்க்கட்சி பாராளுமன்ற உறுப்பினர்கள் அன்றைய அலுவல்களுக்கு ஒதுக்கப்பட்ட நேரத்திற்கு மேலதிகமாக 552 நிமிடங்களையும், எதிர்க்கட்சித் தலைவர் சஜித் பிரேமதாச அதில் 204 நிமிடங்களையும் நவம்பர் 14 முதல் 28 வரை பயன்படுத்தியதாக அவர் பாராளுமன்றத்தில் தெரிவித்தார்.

இன்று காலை பாராளுமன்ற உறுப்பினர்களால் அன்றைய அலுவல்களுக்கு புறம்பான விடயங்களுக்காக 50 நிமிடங்கள் வீணடிக்கப்பட்டுள்ளதாக அமைச்சர் ரணதுங்க தெரிவித்துள்ளார்.

நேரத்தை நிர்வகிப்பதற்கான தீர்வைக் காணுமாறு சபாநாயகரை வலியுறுத்திய அவர், இரு தரப்பும் வீணடிக்கும் நேரத்திற்கு ஏற்ப ஆளும் மற்றும் எதிர்க்கட்சி இரு தரப்பிலிருந்தும் ஒதுக்கப்பட்டதைக் குறைக்க முன்மொழிந்தார்.

You can leave a response, or trackback from your own site.