TELOnews.com

ஹபராதுவ – ஹருமல்கொட பகுதியில் இடம்பெற்ற துப்பாக்கிச் சூட்டில் இருவர் காயமடைந்து வைத்தியசாலையில் அனுமதிக்கப்பட்டுள்ளனர். நேற்று (28) இரவு இருவரை குறிவைத்து துப்பாக்கியால் சுட்டுவிட்டு மோட்டார் சைக்கிளில் வந்த இனந்தெரியாத இருவர் தப்பிச் சென்றுள்ளதாக தெரிவிக்கப்படுகின்றது.

துப்பாக்கிச் சூட்டில் ஒருவர் காயமடைந்ததுடன், அவர் முச்சக்கரவண்டியில் ஏற முற்பட்ட போது, ​​துப்பாக்கிச் சூடு நடத்தியவர்கள் முச்சக்கரவண்டி மீதும் துப்பாக்கிச் சூடு நடத்தியுள்ளனர்.

இதன்போது முச்சக்கர வண்டியின் சாரதியும் காயமடைந்துள்ளார்.

ஆனால், வாகனத்தை நிறுத்தாமல் காயமடைந்தவரை வைத்தியசாலைக்கு கொண்டு சென்றதாக பொலிஸார் தெரிவித்தனர்.

துப்பாக்கிச் சூட்டில் 34 மற்றும் 54 வயதுடைய இருவர் காயமடைந்துள்ளதாகவும், அவர்கள் ஹபராதுவ மற்றும் அகுலுகஹா பகுதியைச் சேர்ந்தவர்கள் எனவும் பொலிஸார் தெரிவித்தனர்.

You can leave a response, or trackback from your own site.