TELOnews.com

சட்டவிரோதமாக மீன் பிடித்ததாகக் கூறி தமிழக மீனவர்கள் 13 பேர் இலங்கைக் கடற்படையால் கைது செய்யப்பட்டுள்ளனர். மீன்துறை அலுவலகத்தின் அனுமதி சீட்டுடன் ராமேஸ்வரம் மீன்பிடி துறைமுகத்திலிருந்து இரண்டு விசைப்படகுகளில் தமிழக மீனவர்கள் கடலுக்குச் சென்றுள்ளனர்.

நெடுந்தீவு அருகில் இவர்கள் மீன் பிடித்துக் கொண்டிருந்தபோது அங்கு கண்காணிப்புப் பணியில் ஈடுபட்டிருந்த இலங்கை கடற்படையினர் எல்லைத் தாண்டி மீன் பிடித்ததாகக் கூறி குறித்த தமிழக மீனவர்கள் 13 பேரையும் கைது செய்ததோடு அவர்களின் இரண்டு விசைப் படகுகளையும் பறிமுதல் செய்துள்ளனர்.

கைதான மீனவர்கள் காங்கேசன்துறை கடற்படை முகாமுக்கு அழைத்துச் செல்லப்பட்டு விசாரிக்கப்பட்டு பின்னர் யாழ்ப்பாண மீன்வளத்துறை அதிகாரிகளிடம் ஒப்படைக்கப்படுவார்கள் என கூறப்படுகிறது.

இந்திய மீனவர்கள் இலங்கை கடற்படையினரால் கைது செய்யப்படும் சம்பவங்கள் நாளுக்கு நாள் அதிகரித்துக்கொண்டு செல்கின்றமை குறிப்பிடத்தக்கது.

You can leave a response, or trackback from your own site.