TELOnews.com

கேகாலை மாவட்ட பொது வைத்தியசாலையின் வாய் மற்றும் முக சத்திர சிகிச்சை விசேட வைத்திய நிபுணரை தாக்கிய சந்தேகநபரை விளக்கமறியலில் வைக்குமாறு நீதிமன்றம் உத்தரவிட்டுள்ளது.

கேகாலை மாவட்ட பொது வைத்தியசாலைக்கு முன்பாக கடந்த 28 ஆம் திகதி (வெள்ளிக்கிழமை) தனிப்பட்ட தகராறு காரணமாக நபர் ஒருவர் அவ்வைத்தியசாலையில் கடமையாற்றி வந்த வாய் மற்றும் முக சத்திர சிகிச்சை விசேட வைத்திய நிபுணர் ஒருவர் மீது தாக்குதல் நடத்தியுள்ளார். சம்பவத்தில் படுகாயமடைந்த நபர் கேகாலை வைத்தியசாலையின் அதிதீவிர சிகிச்சைப் பிரிவில் அனுமதிக்கப்பட்டு சிகிச்சைப் பெற்று வருவதாக பொலிஸார் தெரிவித்தனர்.

மேலும் சம்பவத்துடன் தொடர்புடைய சந்தேகநபர் அன்றைய தினம் கேகாலை பகுதியில் வைத்து கைது செய்யப்பட்டுள்ளார். இவர் 29 வயதான கண்டியை சேர்ந்தவர் என விசாரணைகளின் போது தெரியவந்துள்ளது. இதேவேளை சந்தேகநபர் கேகாலை நீதவான் நீதிமன்றத்தில் ஆஜர்படுத்தப்பட்ட நிலையில் எதிர்வரும் ஏப்ரல் மாதம் 4 ஆம் திகதிவரை விளக்கமறியலில் வைக்குமாறு நீதிமன்றம் உத்தரவிட்டுள்ளது. சம்பவம் தொடர்பில் கேகாலை பொலிஸார் மேலதிக விசாரணைகளை முன்னெடுத்துள்ளனர்.

You can leave a response, or trackback from your own site.