TELOnews.com

ஜனாதிபதி மஹிந்த ராஜபக்ஷவின் பாரியார் ஷிரந்தி ராஜபக்ஷ மலையகத்திற்கு விஜயம செய்து பரிசளிப்பு நிகழ்வொன்றில் பிரதம அதிதியாகக் கலந்து கொண்டு சிறப்பித்தார்.அமைச்சர் ஆறுமுகன் தொண்டமானின் அழைப்பின் பேரில் ஹட்டனுக்கு விஜயம் செய்த ஷிரந்தி ராஜபக்ஷ மலையகத் தமிழ்-சிங்கள மாணவர்களின் கலை நிகழ்ச்சிகளையும் கண்டுகளித்தார்.

இளைஞர் வலுவூட்டல் சமூகப் பொருளாதார அபிவிருத்தி அமைச்சு சௌமியமூர்த்தி தொண்டமான் ஞாபகார்த்த மன்றத்தின் கீழ் செயற்படும் பிரஜாசக்தி அமைப்புடன் இணைந்து கடந்த வருடம் நுவரெலியா கல்வி வலயத்துக்குட்பட்ட பாடசாலைகளுக்கிடையில் நடத்திய வெசாக்கூடு தயாரித்தல் போட்டியில் வெற்றிப்பெற்ற மாணவர்களுக்கும் பாடசாலைகளுக்கும் பரிசளிக்கும் நிகழ்வு ஹட்டனில் நடைபெற்றது.

இதில் கலந்துகொண்டு சிறப்பித்த ஜனாதிபதியின் பாரியார் போட்டியில் வெற்றி பெற்ற மாணவர்களுக்கு அமைச்சர் ஆறுமுகன் தொண்டமானுடன் இணைந்து பரிசுப் பொருட்களையூம் வழங்கினார்.

You can leave a response, or trackback from your own site.