TELOnews.com

புதுமுறிப்புக்குளம்-முறிகண்டி பகுதிகளில் இராணுவத்தினருடன் நேற்று இடம்பெற்ற மோதலில் படையினர் தரப்பில் 40 பேர் கொல்லப்பட்டதாகவும் 75 பேர் காயமடைந்ததாகவும் தமிழீழ விடுதலைப் புலிகள் இயக்கம் தெரிவித்துள்ளது.

கொல்லப்பட்ட படைவீரர்களின் 12 சடலங்களை தாம் கைப்பற்றியுள்ளதாகவும் புலிகள் அறிவித்துள்ளனர்.

முறிகண்டிக்கு வடக்கு நோக்கி நகர முயன்ற இராணுவத்தினர் மீது மேற் கொள்ளப்பட்ட தாக்குதலில் படையினர் தரப்பில் 15 பேர் பலியானதுடன் 40 பேர் காயமடைந்ததாகவும் புலிகள் தெரிவித்துள்ளனர்.

இதேவேளை, வடபகுதி மோதல்களின் போது கொல்லப்பட்ட புலிகள் இயக்க உறுப்பினர் 14 பேரின் சடலங்களைப் பாதுகாப்புப் படையினர் வவுனியா, அநுராதபுரம் வைத்தியசாலைகளில் ஒப்படைத்தனர். பின்னர் இவை சர்வதேச செஞ்சிலுவைச் சங்கத்தினூடாக இராணுவக் கட்டுப்பாடற்ற பிரதேசங்களுக்கு அனுப்பி வைக்கப்பட்டன.

You can leave a response, or trackback from your own site.