TELOnews.com

இந்திய மற்றும் இலங்கை எதிர்கட்சித் தலைமைகள் கொழும்பில் இன்று சந்திப்பொன்றை நடத்தியுள்ளது. இந்த சந்திப்பானது எதிர்கட்சி அலுவலகத்தில் இன்று நண்பகல் இடம்பெற்றுள்ளது. இந்தியாவின் பிரதான எதிர்கட்சியான பாரதிய ஜனதா கட்சியின் டில்லி சட்டமன்றச் சபையின் எதிர்கட்சித் தலைவர் ஜகதீஸ்முகி தலைமையிலான குழுவினர் இலங்கை எதிர்கட்சித் தலைவர் ரணில் விக்ரமசிங்கவைச் சந்தித்துள்ளனர்.

இந்த சந்திப்பு ஒரு நட்புரீதியான சந்திப்பு எனவும் தெரிவிக்கப்படுகின்றது. இந்த சந்திப்பின் போது இலங்கையில் 7 மாகாணங்களில் எதிர்க்கட்சித் தலைவர்களாக செயற்படும் ஐக்கிய தேசியக் கட்சியின் 7 பேரை டில்லிக்கு அழைத்து அவர்களுக்கு பயிற்சி அளிக்கப்படவேண்டும் என கோரிக்கை விடுக்கப்பட்டுள்ளது. இந்த கோரிக்கையை இந்திய எதிர்கட்சியான பாரதிய ஜனதா கட்சி ஏற்றுக்கொண்டுள்ளதாகவும் அறிவிக்கப்படுகின்றது.

You can leave a response, or trackback from your own site.