TELOnews.com

முகமாலை, கிளாலி பகுதிகளில் இன்று காலை முதல் படையினருக்கும் விடுதலைப் புலிகளுக்குமிடையே இடம்பெற்ற மோதல்களின் போது புலிகளுக்கு பாரிய இழப்பு ஏற்பட்டதாக இராணுவ வட்டாரங்கள் தெரிவித்தன.

தமிழீழ விடுதலைப் புலிகள் தரப்பில் 120 பேர் கொல்லப்பட்டதாகவும் 250 பேர் வரை காயமடைந்ததாகவும் படை வட்டாரங்கள் தெரிவித்தன.
படை தரப்பில் 25 பேர் கொல்லப்பட்டனர். 160 பேர் காயமடைந்தனர். பத்துப் பேர் காணாமல் போயுள்ளனர். காயமடைந்த இராணுவத்தினர் அநுராதபுரம் ஆஸ்பத்திரியில் அனுமதிக்கப்பட்டுள்ளனர்.

இதேவேளை, கிளாலி கடற்பரப்பில் சென்று கொண்டிருந்த தமிழீழ விடுதலப் புலிகளுக்குச் சொந்தமான வள்ளங்கள் மீது இன்று மாலை 6.15 மணியளவில் விமானப் படையினர் தாக்குதலை மேற்கொண்டனர்.

விடுதலைப் புலிகளை ஏற்றிக் கொண்டு கிளாலி கடலின் ஊடாகப் பயணித்துக் கொண்டிருந்த இந்த வள்ளங்களை அவதானித்த விமானப் படையினர் எம்.ஐ-24 ரக ஹெலிக்கப்டர் மூலம் தாக்குதலை நடத்தினர். இந்தத் தாக்குதல் காரணமாக புலிகளுக்குப் பாரிய இழப்பு ஏற்பட்டதாகப் பாதுகாப்பு அமைச்சு தெரிவித்தது.

You can leave a response, or trackback from your own site.