TELOnews.com

வடக்கில் தற்போது இடம் பெறும் யுத்தத்தில் தமிழீழ விடுதலைப் புலிகளால் வெற்றி பெறவே முடியாது. தமிழ் இளைஞர்களையும் தமிழ் மக்களையும் வன்னியில் புலிகள் வீணாக அழித்து வருகின்றனர். இவ்வாறு தெரிவிக்கிறார் பாராளுமன்ற உறுப்பினரான விநாயகமூர்த்தி முரளிதரன்.

மட்டக்களப்பு, கல்லடி சுவாமி விபுலானந்தர் அழகியற் கற்கை நிறுவனத்தில் நேற்று (21) மாலை நடைபெற்ற சுவாமி விபுலானந்தர் நினைவு தின விழாவின் இறுதி நாள் விழாவில் கலந்து கொண்டு உரையாற்றுகையிலேயே இவ்வாறு தெரிவித்தார்.

தொடர்ந்து உரையாற்றிய அவர், யாழ்ப்பாணத்தில் 16 வருடங்களை நான் கழித்துள்ளேன். வன்னி மக்களுடன் இரண்டறக் கலந்து பழகியவன் நான். இன்று வன்னியில் வாழும் மக்களின் பரிதாப வாழ்வு கண்டு மிகவும் கவலையடைகிறேன். வன்னி மக்களைப் புலிகளிடமிருந்து பாதுகாக்க வேண்டிய பொறுப்பு எமக்கு உள்ளது.

தென்னிலங்கையிலுள்ள சிங்கள மக்கள் எம்மைச் சந்தேகத்துடன் பார்க்கக் கூடாது. அவர்களுடன் நெருக்கமான உறவை நாம் வளர்த்துக் கொள்ள வேண்டுமெனவும் அவர் கேட்டுக் கொண்டார்.

You can leave a response, or trackback from your own site.