TELOnews.com

கொழும்பு மாநகரசபை மேயர் பதவிக்காக ஜனநாயக மக்கள் முன்னணியின் தலைவர் மனோ கணேசன் போட்டியிடத் தீர்மானித்துள்ளதாகத் தெரிவிக்கப்படுகிறது. எதிர்வரும் உள்ளுராட்சி மன்றத் தேர்தல்களின் போது கொழும்பு மாநாகரசபைக்காக ஜனநாயக மக்கள் முன்னணி தனித்து போட்டியிடத் தீர்மானித்துள்ளது. தமிழ் அரசியல் கட்சிகளை ஒன்றிணைத்து தேர்தலில் போட்டியிடுவதற்கு ஜனநாயக மக்கள் முன்னணி முயற்சிகளை மேற்கொண்டு வருவதாகத் தெரிவிக்கப்படுகிறது.
 
உள்ளுராட்சி மன்றத் தேர்தலில் போட்டியிடுவது தொடர்பில் எதிர்வரும் 7ம் திகதி இறுதித் தீர்மானம் எடுக்கப்படும் என ஜனநாயக மக்கள் முன்னணியின் பொதுச் செயலாளர் குமரகுருபரன் தெரிவித்துள்ளார்.
 
கொழும்பு மாவட்டத்தில் ஜனநாயக மக்கள் முன்னணிக்கு நல்ல ஆதரவு காணப்படுவதாக அவர் குறிப்பிட்டுள்ளார். மேயர் பதவிக்காக மனோ கணேசன் போட்டியிட வேண்டுமென கட்சியின் ஆதரவாளர்கள் விரும்புவதாக அவர் தெரிவித்துள்ளார்.
 
இதேவேளை, நாட்டின் ஏனைய பிரதேசங்களில் தமிழ்த் தேசியக் கூட்டமைப்பு உள்ளிட்ட தமிழ் அரசியல் கட்சிகளுடன் இணைந்து போட்டியிடுவது குறித்து கவனம் செலுத்தப்பட்டு வருவதாக அவர் குறிப்பிட்டுள்ளார்.

You can leave a response, or trackback from your own site.