TELOnews.com

லிபியா ஜனாதிபதி முகமது கடாபி நாட்டைவிட்டு தப்பியோடிவிட்டதாக தகவல்கள் வெளியாகியுள்ளன. இதேவேளை அரசுக்கு எதிரான மக்கள் ஆர்ப்பாட்டம் வலுவடைந்து வருவதால் அரசு ஆர்ப்பாட்டத்தை அடக்க விமானப்படை மூலம் தாக்குதல் நடத்துவதாக தெரிவிக்கப்படுகிறது.

நாட்டின் கிழக்குப் பகுதியில் உள்ள அல்-பைதா, பெங்ஹசி ஆகிய நகரங்களை ஆர்ப்பாட்டக்காரர்கள் கைப்பற்றிவிட்டனர். முக்கிய அரசுக் கட்டடங்கள் மீது தாக்குதல் நடத்திபட்டுள்ளன. பல இடங்களில் ஆர்ப்பாட்டக்காரர்கள் மீது பொலிஸார் வன்முறைத் தாக்குதல் நடத்தினர். இதில் 223 பேர் கொல்லப்பட்டிருப்பதாக தன்னார்வ அமைப்பு ஒன்று தெரிவித்திருக்கிறது.

அரசுக்குச் சொந்தமான அல்-ஜமாஹிரியா தொலைக்காட்சி, அல்-ஷபாபியா வானொலி நிறுவனக் கட்டடங்களை ஆர்ப்பாட்டக்காரர்கள் அடித்து நொறுக்கியுள்ளனர். இதேவேளை போராட்டத்துக்குப் பயந்து பின்வாங்கப் போவதில்லை என கடாபியின் மகன் சைஃப் அல்-இஸ்லாம் கடாபி கூறியுள்ளார்.

You can leave a response, or trackback from your own site.