TELOnews.com

பாகிஸ்தானின் காராச்சி நகரத்தில் கடற் படைத்தளத்தின் மீது தீவிரவாதிகள் நேற்றிரவு பாரிய தாக்குதலொன்றை நடத்தியுள்ளனர். சுமார் 20 தீவிரவாதிகள் இத்தாக்குதலில் ஈடுபட்டிருந்ததாகத் தெரிவிக்கப்படுகின்றது. துப்பாக்கியால் சரமாரியாக சுட்டும், குண்டுகளை வீசியும் இத்தாக்குதல் நடத்தப்பட்டுள்ளது. கடற்படை வீரர்கள் பலர் இத்தாக்குதலில் கொல்லப்பட்டுள்ளதாகத் தகவல்கள் தெரிவிக்கின்றன.

இதன்போது, அமெரிக்கா வழங்கிய தீவிர கண்காணிப்பு விமானமொன்று முற்றாக அழிக்கப்பட்டுள்ளதாகத் தெரிவிக்கப்படுகின்றது. முழுமையான சேதவிபரங்கள் எதுவும் இதுவரை வெளியாகவில்லை. இத்தாக்குதலுக்கு பாகிஸ்தானிய தலிபான் அமைப்பு உரிமை கோரியுள்ளது.

ஒசாமா பின்லேடன் கொல்லப்பட்டமைக்கான பழிவாங்கலே இது எனவும் இத்தகைய தாக்குதல்கள் தொடரும் எனவும் அவ்வமைப்பு எச்சரிக்கை விடுத்துள்ளது.

You can leave a response, or trackback from your own site.