TELOnews.com

தமிழ் உலகமும் சர்வதேசமும் நன்கறிந்த பேராசிரியர் கார்த்திகேசு சிவத்தம்பி அவர்களின் மறைவிற்கு சிறிரெலோகட்சி தமது ஆழ்ந்த அனுதாபங்களைத் தெரிவித்துக்கொள்கின்றது. கடந்த 6 தசாப்தகாலத்திற்கு மேலாக தமிழின் வளர்ச்சிக்காகவும் தமிழின் பெருமையை உலகறிய செய்தவருமாகிய பேராசிரியர் அவர்களின் இழப்பானது தமிழ் மக்களிற்கு பேரிழப்பாகும்.

பேராசிரியர் அவர்களின் தமிழ்ப்புலமை இலங்கை இந்தியா மாத்திரமில்லாமல் சர்வதேச ரீதியில் புகழ்பெற்றிருந்தது யாவரும் அறிந்ததாகும். தமிழ் மக்கள் அரசியல் தீர்வை நாடிநிற்கின்ற இந்த தருணத்தில் எம் மத்தியில் விடிவெள்ளியாக திகழ்ந்த பேராசிரியர் அவர்கள் எம்மைவிட்டு பிரிந்தது எம் இனத்திற்கு மட்டில்லாத இழப்பாகும்.

எமது நாட்டின் மூத்த கல்விமானான இவர் தமிழில் மட்டுமல்லாது பல மொழிகளில் பாண்டித்தியம் பெற்று இலங்கையிலும் வெளிநாடுகளிலும் பல விருதுகளைப்பெற்றுள்ளார். அத்துடன் கடந்த கால தமிழ் ஆராய்ச்சி மகாநாடுகளின் போது இலங்கையிலும் இலங்கைக்கு வெளியேயும் தமது கட்டுரைகளை சமர்ப்பித்து தமிழை உலகறியச் செய்த மகான் ஆவார்.

அன்னாரின் இழப்பால் துயர் அடைந்து இருக்கும் அனைவருக்கும் சிறிரெலோ கட்சி தனது ஆழ்ந்த அனுதாபங்களைத் தெரிவித்துக்கொள்கின்ற அதேவேளை அன்னாரின் ஆத்மசாந்தி அடைய இறைவனைப்பிரார்த்திற்கின்றது.

ஊடகப்பிரிவு
சிறிரெலோ

You can leave a response, or trackback from your own site.