TELOnews.com

முல்லைத்தீவு நகரைக் கைப்பற்றியுள்ள படையினர், புதுக்குடியிருப்புப் பகுதியை நோக்கி தீவிர முன்னேற்ற முயற்சிகளை மேற்கொண்டு வருகின்றனர்.

இதன் போது படையினருக்கும், விடுதலைப் புலிகளுக்கும் இடையில் கடும் மோதல்கள் இடம்பெற்றுள்ளன.

புதுக்குடியிருப்பு தெற்கு மற்றும் வடக்கு பகுதிகளிலேயே இந்த மோதல்கள் உக்கிரமடைந்துள்ளன. இதில் புலிகள் தரப்புக்கு பலத்த சேதம் ஏற்பட்டுள்ளதுடன் இராணுவத் தரப்புக்கும் சிறியளவில் சேதங்கள் ஏற்பட்டுள்ளதாக இராணுவப் பேச்சாளர் பிரிகேடியர் உதய நாணயக்கார தெரிவித்தார்.

மோதலில் ஈடுபட்டுள்ள படையினருக்கு உதவும் வகையில் விமானப் படையினரின் குண்டுவீச்சு விமானங்களும் விடுதலைப் புலிகளின் இனங்காணப்பட்ட இலக்குகளின் மீது குண்டுத் தாக்குதல்களை நடத்தி ஒத்துழைப்பு வழங்கியதாகவும் அவர் கூறினார்.

You can leave a response, or trackback from your own site.