TELOnews.com

ஆப்கானிஸ்தானில் நேட்டோ படையினரை குறிவைத்து தலிபான் தீவிரவாதிகள் அடிக்கடி தாக்குதல் நடத்தி வருகின்றனர். இதனால் தீவிரவாதிகளை ஒடுக்குவதற்காக ஆப்கான் ராணுவம், நேட்டோ படை இணைந்து தாக்குதல்களை தீவிரப்படுத்தி உள்ளது. இவ்வாறு நேற்று நாடு முழுவதும் நடந்த வேட்டையில் 21 தீவிரவாதிகள் கொல்லப்பட்டுள்ளனர்.

குண்டூஸ், உருஸ்கான், வார்டாக், காஸ்னி, பரா மற்றும் ஹெல்மாண்ட் மாகாணங்களில் 11 இடங்களில் நடந்த வேட்டையில், 21 பேர் கொல்லப்பட்டுள்ளனர். மேலும் 8 தீவிரவாதிகள் கைது செய்யப்பட்டுள்ளனர். அவர்களிடம் இருந்து ஆயுதங்கள், வெடிபொருட்கள் கைப்பற்றப்பட்டன. மேலும் 24 கண்ணிவெடிகள் கைப்பற்றி செயலிழக்கச் செய்யப்பட்டன என்று ஆப்கான் உள்துறை அமைச்சகம் செய்தி வெளியிட்டுள்ளது.

இதற்கிடையே தெற்கு ஹெல்மாண்ட் மாகாணத்தில் சமாதான சபை அதிகாரி ஒருவரின் தந்தையை தீவிரவாதிகள் சுட்டுக்கொன்றனர். இந்த தாக்குதலுக்கு இதுவரை எந்த தீவிரவாத இயக்கமும் பொறுப்பேற்கவில்லை.

You can leave a response, or trackback from your own site.