TELOnews.com

வெலிக்கடைச் சிறைச்சாலை வன்முறைச் சம்பவங்கள் தொடர்பில் இலங்கை மனித உரிமை ஆணைக்குழு விசாரணை நடத்த உள்ளது. கைதிகள் மற்றும் சிறைச்சாலை அதிகாரிகளிடம் இது குறித்து விசாரணை நடத்தப்பட உள்ளது.
 
இந்த வாரத்தில் மனித உரிமை ஆணைக்குழு அதிகாரிகள் வெலிக்கிடைச் சிறைச்சாலைக்கு விஜயம் செய்ய உள்ளதாக, ஆணைக்குழுவின் தலைவர் பிரதீப மஹானாமஹேவா தெரிவித்துள்ளார். இவ்வாறான சம்பவங்கள் தொடர்பில் விசாரணை நடாத்தும் அதிகாரம் தமது ஆணைக்குழுவிற்கு காணப்படுவதாக அவர் சுட்டிக்காட்டியுள்ளார்.
 
இந்த சம்பவம் தொடர்பில் ஆராய்ந்து அறிக்கை சமர்ப்பிக்கப்பட உள்ளதாகவும், எதிர்காலத்தில் இவ்வாறான சம்பவங்கள் இடம்பெறுவதனை தடுக்க பரிந்துரைகள் முன்வைக்கப்பட உள்ளதாகவும் அவர் தெரிவித்துள்ளார்.
 
குற்ற விசாரணையாக இதனைக் கருத முடியாது என்ற போதிலும் நீதிமன்ற விசாரணைகளுக்கு ஒத்துழைப்பு வழங்கக் கூடிய வகையில் இந்த அறிக்கை நீதிமன்றில் சமர்ப்பிக்கப்படும் என பிரதீப மஹானாமஹேவா தெரிவித்துள்ளார்.

You can leave a response, or trackback from your own site.