TELOnews.com

யாழ்ப்பாணத்தில், ஸ்ரீடெலோ காரியாலயம் மீது பெற்றோல் குண்டுத்தாக்குதல் நடத்தப்பட்டுள்ளது. திருநெல்வேலியிலுள்ள காரியாலயம் மீதே இன்று அதிகாலை 3 மணியளவில் இந்த தாக்குதல் நடத்தப்பட்டுள்ளது. சம்பவத்தில் யாருக்கும் எவ்விதமான சேதங்களும் ஏற்படவில்லை என்று தெரிவிக்கப்படுகின்றது. இனந்தெரியாதவர்களினால் மேற்கொள்ளப்பட்ட இந்த பெற்றோல் குண்டு வீச்சு தாக்குதல் சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.

அலுவலக பாதுகாப்பிற்காக பொலிஸார், இராணுவத்தினர் கடமையில் ஈடுபட்டிருந்த வேலை இனந்தெரியாத நபர்கள் ஸ்ரீடெலோ காரியாலய வாயில் பெற்றோல் குண்டுத்தாக்குதல் மேற்கொண்டுள்ளனர்.

சம்பவம் தொடர்பில் உடனடியாக கோப்பாய் பொலிஸில் முறைப்பாடு செய்யப்பட்டுள்ளது. இதனையடுத்து சம்பவ இடத்திற்கு உடனடியாக விரைந்த பொலிஸார் விசாரணைகளை மேற்கொண்டு வருகின்றனர்.

தாக்குதல் இடம்பெற்ற வேளை கட்சியின் யாழ் மாவட்ட அமைப்பாளர் செந்தூரன் உள்ளிட்ட நான்குபேர் காரியாலயத்தில் இருந்துள்ளனர்.

You can leave a response, or trackback from your own site.