TELOnews.com

மூன்று நாள் விஜயமொன்றை மேற்கொண்டு மாலைதீவு ஜனாதிபதி அப்துள்ளாஹ் யமீன் இன்று இலங்கைக்கு வருகிறார். தனது இலங்கை விஜயத்தின் போது ஜனாதிபதி மஹிந்த ராஜபக்ஷ அடங்கலான முக்கிய அமைச்சர்களை சந்திக்க உள்ள மாலைதீவு ஜனாதிபதி இலங்கையிலுள்ள மாலைதீவு மக்களையும் சந்திக்கிறார். இலங்கை – மாலைதீவு வர்த்தக சமூகத்திற்கிடையிலான சந்திப்பும் இடம்பெற உள்ளதோடு முதலீடுகளை மேம்படுத்துவது குறித்து இதன் போது ஆராயப்படவுள்ளது.மாலைதீவு ஜனாதிபதியுடன், அந்த நாட்டு ஜும்ஹுரி கட்சித் தலைவர் காசிப் இப்ராஹிம், மாலைதீவு அபிவிருத்திக் கூட்டத்தின் தலைவர் அஹ்மட் சியாம், வெளிவிவகார அமைச்சர் துனியா மஹ்மூட் முற்போக்கு கட்சி உபதலைவர் அப்துல் ரஹீம், பொலிஸ் பிரதானி ஹுஸைன் வாஹிட் உட்பட பலர் இலங்கை வருகின்றனர். மாலைதீவுக் குழுவை வரவேற்கும் உத்தியோகபூர்வ நிகழ்வு ஜனாதிபதி செயலகத்தில் நடைபெற வுள்ளது. இதேவேளை, மாலைதீவு வெளியுறவு அமைச்சருக்கும் இலங்கை வெளி விவகார அமைச்சருக்குமிடை யிலான சந்திப்பு இன்று மாலை நடைபெறும்.

You can leave a response, or trackback from your own site.