TELOnews.com

யாழ். தேவி ரயில் 24 வருடங்களின் பின்னர் மீண்டும் எதிர்வரும் செப் டெம்பர் 15 ஆம் திகதி முதல் யாழ்ப்பாணத்திற்கு பயணிக்க இருப்பதாக போக்குவரத்து அமைச்சர் குமாரவெல்கம தெரிவித்தார். யாழ்ப்பாணம் வரையான ரயில் பாதை நிர்மாணப் பணிகள் பூர்த்தி செய்யப்பட்டுள்ளதாக தெரிவித்த அமைச்சர், செப்டம்பர் 15 ஆம் திகதி பரீட்சார்த்தமாக கொழும்பிலிருந்து யாழ்ப்பாணம் வரை ரயில் சேவை மேற்கொள்ள இருப்பதாக குறிப்பிட்டார். செப்டெம்பர் இறுதியில் கொழும்பு- யாழ்ப்பாணம் இடையிலான ரயில் சேவை ஜனாதிபதி மஹிந்த ராஜபக்ஷவினால் உத்தியோகபூர்வமாக ஆரம்பிக்கப்பட்ட பின் பொதுமக்களுக்கு யாழ்ப்பாணம் செல்ல அவகாசம் வழங்கப்படும் எனவும் அமைச்சர் குறிப்பிட்டார்.

30 வருட யுத்தம் காரணமாக வட பகுதிக்கான ரயில் பாதையும் ரயில் நிலையங்களும் முழுமையா அழிக்கப்பட்டன. யுத்தத்தின் பின்னர் வவுனியா வரையே ரயில் சேவைகள் இடம்பெற்றன. இந்திய இர்கொன் கம்பனியுடன் செய்துகொள்ளப்பட்ட உடன்படிக்கையின் அடிப்படையில் வட பகுதிக்கான ரயில்பாதை கட்டம் கட்டமாக மீளமைக்கப்பட்டு வருகிறது.

இந்திய அரசாங்கத்தின் 183 மில்லியன் டொலர் கடனுதவியுடன் ரயில் பாதை நிர்மாணப் பணிகள் முன்னெடுக்கப்படுகிறது.

முதற்கட்டமாக யாழ்தேவி தாண்டிக்குளம் வரை பயணித்ததோடு அடுத்து ஓமந்தை வரை ரயில்சேவை ஆரம்பிக்கப்பட்டது. அங்கிருந்து கிளிநொச்சி வரையான ரயில் சேவை கடந்த வருடம் ஜனாதிப தியினால் ஆரம்பிக்கப்பட்டது. கிளிநொச் சியில் இருந்து பளை வரையான யாழ்தேவி ரயில் சேவை கடந்த மார்ச் மாதத்தில் ஆரம்பமானது.

பளையில் இருந்து யாழ்ப்பாணம் வரையான ரயில் பாதை மீளமைக்கும் பணிகள் நிறைவடைந் துள்ளதோடு யாழ். ரயில் நிலையமும் துரிதமாக நிர்மாணிக் கப்பட்டு வருவதாக அமைச்சர் தெரிவித் தார்.

செப்டம்பர் 15 ஆம் திகதி கொழும்பி லிருந்து யாழ். வரையான பரீட்சார்த்த ரயில் சேவை போக்குவரத்து அமைச்சர் குமார வெல்கமவின் தலைமையில் இடம்பெற உள்ளது. செப்டம்பர் 30 ஆம் திகதிக்கு முன்னர் யாழ். தேவி ரயில் சேவை ஜனாதிபதி மஹிந்த ராஜபக்ஷவினால் உத்தியோகபூர்வமாக ஆரம்பிக்கப்படும் எனவும் அமைச்சர் குறிப்பிட்டார். யாழ்தேவி இந்த வருட இறுதியில் காங்கேசன்துறை வரை பயணிக்கும் என்றும் அவர் தெரிவித்தார்.

1902 ஆம் ஆண்டிலே முதன் முதலில் யாழ்ப்பாணத்துக்கான ரயில் சேவை ஆரம்பிக்கப்பட்டது. 1990 இல் இறுதியாக யாழ்தேவி யாழ்ப்பாணம் வரை பயணம் செய்தது.

யுத்தம் முடிவடைந்து நாட்டில் நல்லிணக்கம் ஏற்படுத்தப்பட்ட நிலையில் வடக்குத் தெற்கு உறவுப்பாலமாக யாழ். தேவி சேவை செப்டம்பர் முதல் மீண்டும் ஆரம்பிக்கப்பட இருப்பது இன நல்லுறவுக்கு பெரும் உந்து சக்தியாகும் என்பதில் ஐயமில்லை.

செப்டம்பர் இறுதி முதல் கொழும் பிலிருந்து யாழ்ப்பாணம் வரை 3 ரயில்கள் தினமும் சேவையில் ஈடுபடுத்தப்பட உள்ளன.

You can leave a response, or trackback from your own site.