TELOnews.com

சிவகாசியில் விருதுநகர் மாவட்டம் அதிமுக மகளிர் அணி சார்பில் தமிழக அரசின் சாதனை  விளக்கப் பொதுக்கூட்டம் நடந்தது. கூட்டத்தில் விருதுநகர் மாவட்ட அதிமுக செயலாளரும், செய்தி- விளம்பரம், மற்றும் சிறப்புத் திட்டங்கள் செயலாக்கத் துறை அமைச்சருமான கே.டி. ராஜேந்திர பாலாஜி கலந்து கொண்டு பேசினார். அப்போது அவர் தமிழகத்தில் கடந்த 3 ஆண்டுகளாக முதல்வர் ஜெயலலிதா பல்வேறு வரலாற்று திட்டங்களை அறிவித்து  செயல்படுத்தி வருகிறார். குறிப்பாக கல்விக்கு முக்கியத்துவம் கொடுத்து திட்டங்களை நிறைவேற்றி வருகிறார். நடப்பு நிதியாண்டில் மட்டும் பள்ளிக் கல்வி துறைக்கு சுமார் 20 ஆயிரம் கோடி நிதி ஒதுக்கி கொடுத்துள்ளார்.

தமிழகத்தில் கடந்த சட்டமன்ற தேர்தலின் போது கொடுத்த வாக்குறுதிகள் அனைத்தையும் நிறைவேற்றி கொடுத்துள்ளார். மக்கள் கஷ்டங்களை உணர்ந்து மனித நேயத்துடன் தமிழக முதல்வர் செயலாற்றி வருகிறார். என கூறினார். மேலும் கருணாநிதி ஆட்சிக் காலத்தில் ஜாதி மதக் கலவரங்கள் அதிகமாக நடைபெற்றது. தற்போது அதிமுக ஆட்சியில் சட்டம் ஒழுங்கு கட்டுப்பாட்டில் உள்ளது.

அதிமுக ஆட்சியில் குறைகள் ஏதும் சொல்ல வழியில்லாமல் அரசியல் நடத்த முடியாமல் கருணாநிதி திண்டாடி வருகின்றார். குடும்ப பிரச்சனையை தீர்க்க முடியாத கருணாநிதியால் நாட்டு மக்களைப் பற்றி பேச அருகதையே இல்லை.என கூறினார்.

You can leave a response, or trackback from your own site.