TELOnews.com

சென்னையில் வரும் 15ஆம் தேதியன்று பிரபல டைரக்டர் ஷங்கர் இயக்கியுள்ள ‘ஐ’ படத்தின் ஆடியோ வெளியீட்டு விழா பிரம்மாண்டமாக நடைபெற உள்ளது. இதன் சிறப்பு விருந்தினராக பிரபல ஹாலிவுட் நடிகரும், கலிபோர்னியா மாகாணத்தின் கவர்னருமான அர்னால்ட் ஷ்வாஸ்நெகர் கலந்துகொண்டு ஆடியோவை வெளியிடுகின்றார்.தமிழக முதல்வரைப் பற்றிக் கேள்விப்பட்ட அர்னால்டு ஷ்வாஸ்நெகர், அவரை சந்திக்க விருப்பம் தெரிவித்து அவரது குழுவின் மூலம் தலைமைச் செயலகத்திற்கு ஒரு கோரிக்கையை அனுப்பியுள்ளார் என்று ‘ஐ’ படத்தின் தயாரிப்பாளரான ஆஸ்கார் ரவிச்சந்திரன் தெரிவித்துள்ளார்.

இதனிடையில், இந்தியாவின் சூப்பர்ஸ்டாரான ரஜினிகாந்த்தும் இந்த விழாவில் கலந்துகொள்ள சம்மதித்துள்ளதால் அவரையும் சந்திக்கும் வாய்ப்பு அர்னால்டுக்கு கிடைக்கின்றது.

ஒரே மேடையில் இரண்டு சூப்பர்ஸ்டார்களை தோன்றவைப்பது எங்களுக்கும் பரவசமான அனுபவம் என்று ரவிச்சந்திரன் கூறினார்.

இந்த ஆடியோ வெளியீடு வழக்கமான ஒன்றாக இல்லாமல் மேடை நிகழ்ச்சியாக அளிக்கப்படும். கின்னஸ் உலக சாதனையைப் புரிந்துள்ள சர்வதேச மேடைக் கலைஞரான ஆனா யங்கும் இந்த நிகழ்ச்சியில் பங்கு பெறுகின்றார். ஏ.ஆர்.ரஹ்மான் இந்தப் படத்தின் பாடல்களை இசை நிகழ்ச்சியாகத் தொகுத்து வழங்குவார்.

இந்தப் படத்திற்கான ஒப்பனைக் கலைகளைச் செய்த வீட்டா பட்டறைக் கலைஞர்களே இந்த நிகழ்ச்சியில் நடனமாடும் கலைஞர்களுக்கு ஒப்பனை செய்ய உள்ளனர். படத்தில் தோன்றும் அதே ஆடை வடிவமைப்புகளுடன் இந்த மேடைக் கலைஞர்களும் நடன நிகழ்ச்சிகளை நடத்துவார்கள்.

இந்தப் படத்தின் ஆடை வடிவமைப்பாளர் ஒரு பேஷன் ஷோ நிகழ்ச்சியினையும் வழங்குவார். அதன்பின்னர் அனைவரையும் ஆச்சரியப்படுத்தும் விதத்தில் ஒரு புதிய நிகழ்ச்சி ஒன்றும் அப்போது நடைபெறும் என்று ரவிச்சந்திரன் தெரிவித்துள்ளார்.

You can leave a response, or trackback from your own site.