TELOnews.com

பீகார் மாநிலம் பாட்னாவில் இன்று நடைபெற்ற தசரா கொண்டாட்டத்தில் ஏற்பட்ட கூட்ட நெரிசலில் சிக்கி 32 பேர் உயிரிழந்தனர். பாட்னா காந்தி மைதானத்தில் இன்று தசரா பண்டிகை கோலாகலமாக நடைபெற்றது. இதில், பல்லாயிரக்கணக்கான மக்கள் கலந்துகொண்டனர். விழா நிகழ்ச்சிகள் முடிந்ததும், பொதுமக்கள் முண்டியடித்துக்கொண்டு மைதானத்தை விட்டு வெளியேறினர்.

ஒருவரையொருவர் நெட்டித்தள்ளியபடி சென்றதால், சாலையில் பயங்கர நெரிசல் ஏற்பட்டது. ஒருவர் மீது ஒருவர் விழுந்தனர். இதனால், ஏராளமானோர் காயமடைந்தனர். இவர்களில் 32 பேர் இறந்ததாக உள்துறை செயலாளர் அமிர் சுபானி தெரிவித்தார்.

இறந்தவர்களில் பெரும்பாலானோர் பெண்கள் மற்றும் குழந்தைகள் ஆவர். மேலும் பலர் காயமடைந்து பாட்னா அரசு மருத்துவமனையில் சேர்க்கப்பட்டுள்ளனர். இவர்களில் பலரது நிலை கவலைக்கிடமாக இருப்பதால் பலி எண்ணிக்கை உயரலாம் என அஞ்சப்படுகிறது.

You can leave a response, or trackback from your own site.