TELOnews.com

கடந்த 29ஆம் திகதி புலிகளின் விமானங்கள் கொழும்பிலுள்ள களனிதிஸ்ஸ மின் நிலையம் மீது தாக்குதல் நடத்திய சமயம் கொள்ளுப்பிட்டியிலுள்ள இந்திய உயர்ஸ்தானிகராலயத்தின் பாதுகாப்புப் பிரிவினர் விமானத்தை நோக்கி தாக்குதல் நடத்தியுள்ளனர்.

இதனால் காலி முகத்திடல் அதிர்ச்சியடைந்ததாக ‘லக்பிம’ செய்தி வெளியிட்டுள்ளது. இதனால் அச்சமடைந்து கோல்பேஸ் உல்லாசவிடுதியில் தங்கியிருந்த உல்லாசப் பயணி ஒருவர் தனது கட்டிலின் கீழ் ஒழிந்துகொண்டதாகவும் அந்தச் செய்தியில் தெரிவிக்கப்பட்டுள்ளது.

இலகுரக விமானங்களைத் தாக்குவதில் இந்திய உயர்ஸ்தானிகராலயத்தின் பாதுகாப்புப் பிரிவினர் விசேட அனுபவம் பெற்றிராதபோதும், புலிகளின் விமானங்கள் மீது அவர்கள் தாக்குதல் நடத்தியிருப்பதாக அந்தப் பத்திரிகை தெரிவித்துள்ளது.

உயர்ஸ்தானிகராலயம் மீது விடுதலைப் புலிகளின் விமானங்கள் தாக்குதல் நடத்திவிடுவார்கள் என்ற அச்சத்திலேயே அவர்கள் தாக்குதல் நடத்தியதாக அந்தச் செய்தியில் குறிப்பிடப்பட்டுள்ளது.

You can leave a response, or trackback from your own site.