TELOnews.com

ஆஸ்திரேலியாவின் வடக்கு குயின்ஸ்லாந்து அருகே கெய்ன்ஸ் நகரில் உள்ள ஒரு வீட்டில் 8 சிறுவர்கள் கத்தியால் குத்திக்கொல்லப்பட்ட நிலையில் போலீசாரால் மீட்கப்பட்டனர். இது குறித்து குயின்ஸ்லாந்து காவல்துறை வெளியிட்டுள்ள அறிக்கையில் கூறியிருப்பதாவது; கெய்ன்சில் உள்ள முர்ரே தெருவில் உள்ள வீட்டில் பெண் ஒருவர் படுகாயத்துடன் விழுந்து கிடப்பதாக தகவல் கிடைத்தது. உடனடியாக அங்கு சென்று பார்த்தபோது, அதிர்ச்சியளிக்கும் விதத்தில் 8 சிறுவர்கள் கத்தியால் குத்தப்பட்டு கொல்லப்பட்டிருந்தனர். கொல்லப்பட்டவர்கள் சிறுவர்கள் 18 மாதம் முதல் 15 வயதுடையவர்கள் ஆவார்கள். மேலும் அங்கு கத்தியால் குத்தப்பட்டு படுகாயத்துடன் பெண் ஒருவர் போராடி கொண்டிருந்தார்.

அவர் மீட்கப்பட்டு மருத்துவமனையில் சேர்க்கப்பட்டுள்ளதாக காவல்துறை அந்த அறிக்கையில் கூறியுள்ளது. அவர் உயிர் பிழைத்தால் அப்பெண்ணுக்கும் கொல்லப்பட்ட குழந்தைகளுக்கும் என்ன தொடர்பு என்பது தெரியவரும் என காவல்துறை மேலும் கூறியுள்ளது.

You can leave a response, or trackback from your own site.