TELOnews.com

கிழக்கே மட்டக்களப்பு மாவட்டம் மியான்குளத்தில் இன்று அதிகாலை அரசாங்க பயணிகள் பஸ் வண்டியொன்று ஆயுததாரிகளினால் வழிமறிக்கப்பட்டு தீக்கிரையாக்கப்பட்டுள்ளது. கொழும்பிலிருந்து நேற்றிரவு கல்முனைக்கு பயணம் செய்து கொண்டிருந்த பஸ் வண்டியே இப்படி தீக்கிரையாக்கப்பட்டதாக பொலிசார் தெரிவிக்கின்றனர்.

6 பேர் கொண்ட ஆயுததாரிகள் தங்களுடைய முகத்தை அடையாளம் காட்டாதவாறு மூடியிருந்ததாகவும், பயணிகள் பஸ் குறிப்பிட்ட இடத்தை வந்தடைந்த போது அதனை நிறுத்திய அந்த நபர்கள் பயணிகளை இறக்கிவிட்டு பஸ்ஸுக்கு தீ வைத்ததாக கூறப்படுகின்றது.

சம்பவத்துடன் தொடர்புடைய நபர்களோ இதற்கான பின்னணியோ இதுவரை கண்டறியப்படவில்லை என வாழைச்சேனை பொலிசார் குறிப்பிடுகின்றனர்.

You can leave a response, or trackback from your own site.