TELOnews.com

ஈராக் குர்திஸ்தானின் தலைநகரில் உள்ள அமெரிக்க தூதரகத்தை குறிவைத்து கார் வெடிகுண்டு தாக்குதல் நடத்தப்பட்டுள்ளது. குர்திஸ்தானின் தலைநகரன எர்பிலில் அமைந்துள்ள அமெரிக்க தூதரகத்தை தகர்க்கும் நோக்கத்துடன் இந்த தாக்குதல் நடத்தப்பட்டுள்ளது. இந்த தாக்குதலில் ஒருவர் பலியானதாகவும், 5 பேர் படுகாயம் அடைந்ததாகவும் தெரியவந்துள்ளது. குண்டு வெடிப்பு நடந்த இடத்தில் அமைந்துள்ள அமெரிக்க தூதரக அதிகாரிகளின் குடியிருப்பில் ஏற்பட்டுள்ள சேதங்கள் பற்றி இதுவரை எந்த தகவல்களும் கிடைக்கவில்லை.

தாக்குதல் நடத்தப்பட்ட பகுதியில் அதிக அளவில் கிறிஸ்துவர்கள் வசித்து வருகிறார்கள். மேலும் அப்பகுதியில் அமைந்துள்ள கபேக்கள் வெளிநாட்டவர் அதிகம் வரும் இடமாகும்.

குர்திஸ் இனமக்கள் அமெரிக்காவின் கூட்டுப்படையுடன் சேர்ந்து ஐ.எஸ். தீவிரவாதிகளுக்கு எதிராக சண்டையிட்டு வருவது குறிப்பிடத்தக்கது.

You can leave a response, or trackback from your own site.