TELOnews.com

பாரா­ளு­மன்­றத்தில் சமர்ப்­பிக்­கப்­பட்­டுள்ள அர­சியல் அமைப்பின் 19 ஆவது திருத்தச் சட்டம் தொடர்பில் விவாதம் நடத்­து­வது வர­வேற்கத் ­தக்க விட­ய­மாக இருந்­தாலும் 19 ஆவது திருத்­தத்­தினை ஆத­ரிப்­பது தொடர் பில் தீர்­மானம் எடுக்கவில்லை என ஜாதிக ஹெல உறு­மய கட்சி தெரி­வித்­துள்ளது.ஜனாதிபதிக்கான அதிகாரங்களை குறைப் பது தொடர்பில் திருப்தியடையவில்லை எனவும் அக்கட்சி சுட்டிக்காட்டியுள்ளது.அர­சியல் அமைப்பில் 19 ஆவது திருத்தச் சட்டம் நிறை­வேற்­று­வது தொடர்பில் இன்றும் நாளையும் பாரா­ளு­மன்­றத்தில் விவா­திக்­கப்­ப­ட­வுள்ள நிலையில் ஜாதிக ஹெல உறு­ம­யவின் நிலைப்­பாட்­டினை வின­விய போதே அக் கட்­சியின் பொதுச் செய­லா­ளரும் அமைச்­ச­ரு­மான பாட்­டலி சம்­பிக்க ரண­வக்க மேற்­கண்­ட­வாறு குறிப்­பிட்டார்.

அவர் மேலும் குறிப்­பிட்­ட­தா­வது, 19 ஆவது திருத்தச் சட்டம் கொண்டு வர­வேண்டும். அதில் பல நல்ல விட­யங்கள் உள்ளடக்கப்­பட வேண்டும் என நாம் தான் ஆரம்­பத்தில் வலி­யு­றுத்­தினோம். ஆனால் 19ஆவது திருத்தம் எதற்­காக கொண்­டு­வ­ரப்­பட வேண்டும் என்ற கருத்­து­மாறி சுய­ந­ல­மான தன்­மைக்கு அமை­யவே 19ஆவது திருத்தச் சட்டம் கொண்­டு­வ­ரப்­ப­டு­கின்­றது. ஜனா­தி­ப­திக்­கான சர்­வ­ாதி­கார போக்­கினை கொண்டே அதி­கா­ரங்கள் குறைக்­கப்­பட வேண்டும். ஆனால் இன்று ஜனா­தி­ப­திக்­கான அதி­கா­ரங்­களை முழு­மை­யாக பிர­த­ம­ருக்கு கொடுப்­பதை நாம் விரும்­ப­வில்லை.

ஆனால் அதற்­கான முயற்­சி­களை பிர­தமர் ரணில் விக்­கி­ர­ம­சிங்க உள்­ளிட்ட பலர் முயற்­சித்துக் கொண்­டி­ருக்­கின்­றனர். அவ்­வா­றான 19ஆவது திருத்தச் சட்டம் நிறை­வேற்­றப்­ப­டு­வதில் நாம் திருப்­தி­ய­டை­ய­வில்லை. 19ஆவது திருத்தம் நிறை­வேற்­றப்­ப­டு­மாயின் அத­னுடன் இணைந்து 20 ஆவது திருத்­த­மாக தேர்தல் முறை­யில் மாற்றம் கொண்டு வரப்­பட வேண்டும்.

அதேபோல் 19 ஆவது திருத்தம் தொடர்பில் விவாதம் நடத்­து­வது தொடர்பில் நாம் முரண்­ப­ட­வில்லை. 19 ஆவது திருத்­தத்தின் விட­யப்­ப­ரப்­பு­ தொ­டர்பில் விவா­தித்து தீர்­மா­ன­மெ­டுப்­பது அவ­சி­ய­மா­ன­தொன்றே. அதை நாம் வர­வேற்­கின்றோம். ஆனால் 19ஆவது திருத்தம் சூழ்ச்­சி­யா­ன­தொன்று என்ற கருத்தில் நாம் இன்னும் உறு­தி­யாக இருக்­கின்றோம். அதில் தெளிவு இல்­லாது எம்மால் 19ஆவது திருத்தச் சட்­டத்­தினை ஆத­ரிக்க முடி­யாது. எனவே 19ஆவது திருத்­தத்­திற்கு எமது ஆதரவு தொடர்பில் நாம் (இன்று) நாளை கூடி முடிவெடுப்போம். ஜனாதிபதியுடன் இன்று சந்திப்பினை மேற் கொண்டு இவ் விடயங்கள் தொடர்பில் பேசவுள்ளோம். அதன் பின்னரே இறுதி முடிவு எடுக்கப்படும் எனவும் அவர் குறிப்பிட்டார்.

You can leave a response, or trackback from your own site.