TELOnews.com

நேபாளத்தில் மாயமான அமெரிக்க கடற்படை ஹெலிகாப்டர் ஆற்றில் விழுந்து இருக்கலாம் என சந்தேகம் எழுப்பப்பட்டுள்ளது. நிலநடுக்கத்தால் பாதிக்கபட்ட பகுதியில் நிவாரண பணியில் ஈடுப்பட்டிருந்த அமெரிக்க கடற்படைக்கு சொந்தமான யு.எச்௧ஒய் ஹ்யூ ஹெலிகாப்டர் அதில் பயணம் செய்த 8 பேருடன் மாயமாகியுள்ளது.

அமெரிக்க கடற்படை கேப்டன் கிறிஸ் சிம்ஸ் தெரிவித்துள்ள தகவலின் படி ஹ்யூ என்ற அந்த ஹெலிகாப்டர் செவ்வாய்க்கிழமை அன்று நேபாளத்தின் சாரிகோட் அருகே நிவாரணப் பணிகளில் ஈடுபட்டிருந்தது. அப்போது ஹெலிகாப்டரில் 6 அமெரிக்க கடற்படையினர் மற்றும் 2 நேபாள ராணுவ வீரர்கள் இருந்துள்ளனர்.

ஹெலிகாப்டர் காத்மாண்டின் கிழக்கு பகுதியில் அமைந்துள்ள தோலாஹா மாவட்டத்தில் பாயும் நதி ஒன்றில் விழுந்து இருக்கலாம் என அந்நாட்டு ராணுவ அதிகாரி ஒருவர் சந்தேகம் தெரிவித்துள்ளார். ஹெலிகாப்டரை தேடும் பணியில் 400 ராணுவ வீரர்களும், 6 ஹெலிகாப்டர்களும் ஈடுபட்டு வருகின்றன.

You can leave a response, or trackback from your own site.