TELOnews.com

ஐக்கிய அரபு எமிரேட்ஸ் நாடுகளில் ஒன்றான சார்ஜாவில் இருந்து டெல்லி வழியாக கொச்சிக்கு செல்ல ஏர் இண்டியா விமானம் தயார் நிலையில் இருந்தது. விமானத்தில் 120 பயணிகள் அமர்ந்து இருந்தனர். இதற்கிடையே அந்த விமானத்தின் விமானி பாதுகாப்பு பரிசோதனைக்காக ‘கியூ’வில் காத்திருந்தார். அவரை பரிசோதித்த ஊழியர் விமானி மது குடித்து போதையில் இருப்பதை கண்டு பிடித்தார்.

இதுகுறித்து விமான நிலைய அதிகாரிகளுக்கு தகவல் கொடுத்தார். அதை தொடர்ந்து அவரிடம் குடிபோதையில் இருக்கிறாரா? என்பதை கண்டறியும் மூச்சு பரிசோதனை நடந்தது. அதில் அவர் அதிக அளவு குடிபோதையில் இருப்பது தெரிய வந்தது.

அதை தொடர்ந்து அவர் கைது செய்யப்பட்டார். இது குறித்த தகவல் ஏர் இண்டியா நிறுவனத்துக்கு தெரிவிக்கப்பட்டது.

You can leave a response, or trackback from your own site.