TELOnews.com

புயல் மற்றும் கனமழையால் பலியானவர்களின் எண்ணிக்கை 16-ஆக உயர்ந்துள்ள நிலையில், டெக்சாஸில் புதிய வெள்ள அபாய எச்சரிக்கை விடுக்கப்பட்டுள்ளது. அமெரிக்காவின் டெக்சாஸ் மாகாணத்தில் கடந்த சில தினங்களாக கனமழை பெய்து வருகிறது. சூறைக்காற்றும் பலமாக வீசுகிறது. இதனால் பொதுமக்களின் இயல்பு வாழ்க்கை பெரிதும் பாதிக்கப்பட்டுள்ளது. கனமழைக்கு இதுவரை சுமார் 16 பேர் உயிரிழந்துள்ளனர். 9 பேரை காணவில்லை என கூறப்படுகிறது.

கனமழை காரணமாக ஆயிரக்கணக்கான வாகனங்கள் வெள்ளத்தில் அடித்து செல்லப்பட்டன. வெள்ளம் சூழ்ந்துள்ளதால், மக்கள் வீடுகளை விட்டு வெளியேற முடியாமல் தவித்து வருகின்றனர். ஆங்காங்கே மின்சாரம், தொலைதொடர்பு வசதிகள் துண்டிக்கப்பட்டுள்ளது. சாலைகள் சேதமடைந்ததால் போக்குவரத்து பாதிக்கப்பட்டுள்ளது.

புயல் மற்றும் கனமழையால் ஏற்பட்ட சேதம் பற்றி மொத்த மதிப்பீடு செய்யப்படாத நிலையில், அமெரிக்காவின் பொருளாதரத்தில் ஆண்டுக்கு 1.4 டிலியன் டாலர் அளவிற்கு பங்களித்து வரும் டெக்சாஸ், விவசாய மற்றும் ஏரி சக்தி உற்பத்தியிலும் பெரிய அளவில் பங்களித்து வருவது குறிப்பிடத்தக்கது.

You can leave a response, or trackback from your own site.