TELOnews.com

சவுதி அரேபியாவில் மசூதி அருகே நடத்தப்பட்ட கார் குண்டு தாக்குதலில் 4 பேர் உயிரிழந்தனர். சவுதி அரேபியாவின் தமாம் நகரிலுள்ள மசூதியில் நேற்று வெள்ளிக்கிழமை ஜூம்மா தொழுகைக்காக ஏராளமான இஸ்லாமியர்கள் வந்திருந்தனர். அப்போது, மசூதி அருகே நிறுத்தப்பட்டிருந்த கார் ஒன்று பயங்கர சத்தத்துடன் வெடித்தது. இதில் நான்கு பேர் பலியாயினர். படுகாயமடைந்தவர்கள் அருகிலுள்ள மருத்துவமனையில் அனுமதிக்கப்பட்டனர்.

மசூதிக்கு வரும் இஸ்லாமியர்களை குறிவைத்து இந்தத் தாக்குதல் நடத்தப்பட்டதாக அந்நாட்டு அரசு தெரிவித்துள்ளது. இந்தக் குண்டுவெடிப்பு தாக்குதலுக்கு எந்த தீவிரவாத அமைப்பும் பொறுப்பேற்கவில்லை. கடந்த 22 ஆம் தேதி ஐ.எஸ். தீவிரவாதிகள் நடத்திய தற்கொலைப் படைத் தாக்குதலில் 21 பேர் உயிரிழந்தது குறிப்பிடத்தக்கது.

You can leave a response, or trackback from your own site.