TELOnews.com

பிரேசிலின் சா போலோ நகரின் புறநகர் பகுதியில் உள்ள மதுபான விடுதியில் நேற்று மர்ம நபர் நடத்திய துப்பாக்கிச் சூட்டில் 6 பேர் பரிதாபமாக உயிரிழந்தனர். பொருளாதாரத்தில் பின் தங்கிய மாவட்டமான சா லூயிஸ் மாவட்டத்தில் உள்ள மதுபான விடுதி ஒன்றில் இச்சோக சம்பவம் நடைபெற்றுள்ளது. நேற்று காலை துப்பாக்கியுடன் மதுபான விடுதிக்குள் நுழைந்த மர்ம நபர் ஒருவர், அங்கிருந்தவர்கள் மீது கண்மூடித்தனமாக சுடத்தொடங்கினார். இதில் 3 பேர் சம்பவ இடத்திலேயே ரத்த வெள்ளத்தில் உயிரிழந்தனர்.

மதுபான விடுதிக்கு வெளியே தப்பி செல்ல முயன்றவர்கள் மீதும் மர்ம நபர் தாக்குதல் நடத்தினார். இதில் 3 பேர் பலியாயினர். இத்தாக்குதலில் ஒருவர் படுகாயமடைந்தார். இதையடுத்து அங்கு விரைந்து வந்த போலீசார், துப்பாக்கி சூடு குறித்தும், இச்சம்பவத்தில் ஈடுபட்ட நபர் குறித்தும் தீவிர விசாரணையில் இறங்கியுள்ளனர்.

You can leave a response, or trackback from your own site.