TELOnews.com

ஜனாதிபதி மைத்திரிபால சிரிசேன, முன்னாள் ஜனாதிபதி ஜே.ஆர். ஜயவர்த்தனவை விட பெரும் சர்வாதிகாரி என்று நாடாளுமன்ற உறுப்பினர் உதய கம்மன்பில விமர்சித்துள்ளார். கொழும்பில் நடைபெற்ற ஊடகவியலாளர் சந்திப்பொன்றில் அவர் இதனைத் தெரிவித்துள்ளார். தொடர்ந்தும் கருத்து வெளியிட்டுள்ள உதய கம்மன்பில, அரசியலில் பெரும் சர்வாதிகாரி என்று பெயரெடுத்தவர் ஜே.ஆர். ஜயவர்த்தன மட்டுமே. அதன் காரணமாக அவர் மீது எங்களுக்கும் பெரும் வெறுப்பு உள்ளது.

ஆனால் தற்போது ஜனாதிபதி மைத்திரிபாலவின் செயற்பாடுகளைப் பார்க்கும்போது ஜே.ஆரை விட இவர் பெரும் சர்வாதிகாரி போன்று நடந்து கொள்கின்றார். மைத்திரிபாலவின் அளவுக்கு ஜே.ஆர். ஒருபோதும் சர்வாதிகாரியாக நடந்து கொண்டதில்லை. அதன் காரணமாக ஜே.ஆர். மீது எங்களுக்கு இருந்த வெறுப்பு தற்போது படிப்படியாக குறைந்து வருகின்றது என்று உதய கம்மன்பில தெரிவித்துள்ளார்.

You can leave a response, or trackback from your own site.