TELOnews.com

அமெரிக்காவில் துப்பாக்கி சூடு சம்பவம் அடிக்கடி நடந்து வருகிறது. கடந்த 1-ந்தேதி கல்லூரி ஒன்றில் நடத்தப்பட்ட துப்பாக்கி சூட்டில் 9 பேர் கொல்லப்பட்டனர். இந்த சம்பவம் நடைபெற்று சரியாக ஒருவாரம் கூட முடியாத நிலையில் இன்று காலை வடக்கு அரிசோனா பல்கலைகழகத்தில் துப்பாக்கி சூடு நடத்தப்பட்டுள்ளது.இதில் ஒருவர் பரிதாபமாக உயரிழந்தார். மூன்று பேர் காயம் அடைந்துள்ளதாக கூறப்படுகிறது. ஆனால், துப்பாக்கி சூடு எப்படி நடந்தது என்ற விவரங்கள் உடனடியாகத் தெரியவில்லை.

இருந்தாலும் பல்கலைக்கழக வளாகத்தில் உள்ள மவுன்டைன் வியூ ஹாலின் அருகே கிரேக்க அமைப்புகளில் ஈடுபட்டிருந்த மாணவர்கள் அதிக அளவில் தங்கியிருந்த விடுதியில் இந்த துப்பாக்கிசூடு சம்பவம் நடைபெற்றதாக கூறப்படுகிறது.

துப்பாக்கி சூடு நடத்திய நபரை போலீசார் கைது செய்ததாக கூறப்படுகிறது. இந்த ஆண்டில் அமெரிக்காவில் நடைபெற்ற 295-வது துப்பாக்கி சூடு சம்பவம் இது என்று கூறப்படுகிறது.

You can leave a response, or trackback from your own site.