TELOnews.com

மோடி தலைமையிலான பிரதமர் அலுவலகத்தைப் போல மிகவும் பலவீனமான ஒன்றை ஒருபோதும் கண்டதில்லை என்று பாஜக மூத்த தலைவர் அருண்ஷோரி விமர்சித்துள்ளார்.டெல்லியில் நடைபெற்ற புத்தக வெளியீட்டு விழா ஒன்றில் கலந்துகொண்டு பேசிய அவர், மோடி அரசு மாநில முதல் அமைச்சர்கள் உள்பட அனைத்து தரப்பினரிடமும் மோதல் போக்கை கடைப்பிடிக்கிறது. தற்போதைய பிரதமர் அலுவலகம் போல் அனைத்து செயல்பாடுகளையும் தானே மேற்கொள்ளும் ஒன்றை இதுவரை கண்டதில்லை. அதிகாரங்களை குவித்து வைத்துக்கொண்டதாக கூறவில்லை. அனைத்து செயல்பாடுகளையும் பிரதமர் அலுவலம் தன்னகத்தே குவித்து வைத்துள்ளது. இதுபோன்ற பலவீனமான பிரதமர் அலுவலகத்தையும் இதுவரை கண்டதில்லை. மிகைப்படுத்தப்பட்ட காங்கிரஸ் மற்றும் பசு சேர்ந்ததே தற்போதைய பாஜக அரசு. தலைப்புச் செய்திகளில் இடம்பிடிப்பது மட்டுமே பொருளாதார நிர்வாகம் என தற்போதைய அரசு நம்புகிறது. இது ஒருபோதும் பலன் தராது. மோடி அரசை விட மன்மோகன் சிங் தலைமையிலான அரசே மேலானது என்று மக்கள் நினைக்க தொடங்கி விட்டனர் என்றார்.

You can leave a response, or trackback from your own site.