TELOnews.com

இஸ்ரேலியர்களுக்கும், பாலஸ்தீனர்களுக்கும் இடையே மீண்டும் மோதல்கள் வலுத்து வருகின்றன. இந்த நிலையில், பாலஸ்தீன மேற்கு கரையில் உள்ள குடியிருப்பு பகுதி ஒன்றில் பாலஸ்தீனர் ஒருவர் துப்பாக்கிச்சூடு நடத்தினார். இதில் 3 பேர் உயிரிழந்தனர். 7 பேர் காயம் அடைந்தனர். இந்த தாக்குதலை நடத்திவிட்டு பாலஸ்தீனர் தப்ப முயன்றபோது அவரது காரை நிறுத்த போலீசார் முயற்சித்தனர். அப்போது அந்த கார், மற்றொரு காரின்மீது மோதியது. கார் டிரைவர் கைது செய்யப்பட்டார்.

இந்த தாக்குதலில் உயிரிழந்த 3 பேரில் ஒருவர் அமெரிக்க பிரஜை என்றும் அவரது பெயர் எஸ்ரா என்றும், இஸ்ரேலில் படித்துக்கொண்டிருந்தார் என்றும் தகவல்கள் கூறுகின்றன.

இதற்கிடையே டெல் அவிவ் நகரில், யூத மத புத்தகங்கள் விற்பனை செய்யக்கூடிய இடத்தில் பிரார்த்தனை நடத்திக்கொண்டிருந்தவர்கள் மீது பாலஸ்தீனர் ஒருவர் கத்திக்குத்து தாக்குதல் நடத்தினார். இதில் 2 பேர் கொல்லப்பட்டனர். ஒருவர் காயம் அடைந்தார். இந்த தாக்குதலை நடத்திய பாலஸ்தீனர் கைது செய்யப்பட்டார்.

You can leave a response, or trackback from your own site.