TELOnews.com

விசுவமடு நகர்ப்பகுதியில் அமைந்துள்ள கடையொன்றில் ஏற்பட்ட தீயினால் குறித்த கடை அமைந்திருந்த கடைத்தொகுதியில் உள்ளடங்கியிருந்த மூன்று கடைகள் முற்றாக எரிந்துதுள்ளதோடு ஒரு கடை பகுதி சேதத்திற்கும் உள்ளகியுள்ளது.குறித்த கடைத் தொகுதியில் அமைந்திருந்த புகைப்பட கலையகத்தில்   நேற்று   வெள்ளிக்கழமை மாலை 6.45 மணியளவில் உருவான தீ அத்தொகுதியில் அமைந்திருந்த பல்பொருள் விற்பனை நிலையம் மற்றும் அலுமினிய பிற்றிங் வேலைகளை மேற்கொள்ளும் கடைகளுடன் மற்றுமொரு கடைக்கும் பரவியதால் அக்கடைகளும் எரிந்து நாசமாகின.

புகைப்படக்கலையகத்தில் உருவான தீ மிக வேகமாகப் பரவத்தொடங்கியதும் தீயை அணைக்கும் செயற்பாட்டில் நகர்ப்பகுதி மக்கள் தீவிரமாக ஈடுபட்டனர் இருப்பினும் தீ மிக வேகமாகப்பரவியதால் கடைகள் முற்றாக எரிந்து நாசமாகின.

இதனால் குறித்த கடைகளின் உரிமையாளர்கள் ஒவ்வொருவரும் பல இலட்சரூபா  இழப்பினை எதிர் கொண்டுள்ளதாக அறியமுடிகின்றது.
இதேவேளை தீ ஏற்பட்டதற்கான காரணம் கண்டறியப்படாதபோதும் மின் ஒழுக்கு காரணமாகவே தீ ஏற்பட்டிருக்கலாம் என கருதப்படுகின்றது.

You can leave a response, or trackback from your own site.