TELOnews.com

முல்லைத்தீவு புதுமாத்தளன் பிரதேசத்திலிருந்து நோயாளிகளை அழைத்துச் சென்ற சர்வதேச செஞ்சிலுவைச் சங்க கப்பல் மீது புலிகளால் துப்பாக்கிப் பிரயோகம் நடத்தப்பட்டதாகத் தெரிவிக்கப்படுகிறது. படையினருக்கும் புலிகளுக்கும் இடையிலான மோதல்களுக்கு நடுவில் குறித்த மீட்புப் கப்பல் சிக்கிக் கொண்டதாகத் தெரிவிக்கப்படுகிறது.

கப்பலுக்கு மேற்கொள்ளப்பட்ட துப்பாக்கிப் பிரயோகத்தில் எவருக்கும் பாதிப்பு ஏற்படவில்லை எனக் குறிப்பிடப்படுகிறது. முதல் தடவையாக சர்வதேச செஞ்சிலுவைச் சங்க மீட்பு கப்பல் மீது புலிகள் துப்பாக்கிப் பிரயோகம் மேற்கொள்ளப்பட்டுள்ளதாக ஆங்கில இணையதளமொன்று செய்தி வெளியிட்டுள்ளது.

மனிதாபிமான மீட்புப் பணிகளை மேற்கொள்ளும் நடவடிக்கைகளுக்கு இரு தரப்பினரும் பூரண ஒத்துழைப்பு வழங்க வேண்டியது மிகவும் முக்கியமானதென சர்வதேச செஞ்சிலுவைச் சங்கம் சுட்டிக்காட்டியுள்ளது.

காயமடைந்த மற்றும் அவர்களது உறவினர்கள் 6000 பேரை சர்வதேச செஞ்சிலுவைச் சங்கம் இதுவரையில் விடுவிக்கப் கட்டுப்பாட்டுப் பிரதேசத்திற்கு அழைத்து வந்துள்ளதாகத் தெரிவிக்கப்படுகிறது.

You can leave a response, or trackback from your own site.