TELOnews.com

பாகிஸ்தானில் லாகூர் நகரில் கட்சி அபாடி பகுதியில் உள்ள தல்லாட் பூங்கா என்ற இடத்தில் பாகிஸ்தான் தலீபான் தீவிரவாதிகள் பதுங்கி இருப்பதாகவும், அவர்கள் அரசு அலுவலகங்கள் மீது தாக்குதல் நடத்துவதற்கு சதித்திட்டம் தீட்டுவதாகவும் உளவு அமைப்புகளுக்கு ரகசிய தகவல்கள் கிடைத்தன. இதையடுத்து அங்கு போலீஸ் படை நேற்று சென்று, தீவிரவாதிகள் பதுங்கி இருந்த இடத்தை சுற்றி வளைத்தது.

தீவிரவாதிகளை சரண் அடையுமாறு போலீஸ் படையினர் கூறினர். ஆனால் அவர்கள் அதை கேட்காமல், போலீஸ் படையினர் மீது சரமாரியாக துப்பாக்கியால் சுட்டனர். போலீஸ் படையினரும் தங்கள் துப்பாக்கிகளால் அவர்களுக்கு சரியான பதிலடி தந்தனர்.

முடிவில் 6 தலீபான் தீவிரவாதிகள் சுட்டுக்கொல்லப்பட்டனர். இருப்பினும் 3 அல்லது 4 தலீபான் தீவிரவாதிகள் தப்பித்து விட்டதாக அங்கிருந்து வரும் தகவல்கள் கூறுகின்றன.

சம்பவ இடத்தில் இருந்து ஏராளமான ஆயுதங்கள், 5 கிலோ வெடி பொருட்கள், 3 மோட்டார் சைக்கிள்கள், தோட்டாக்கள் ஆகியவற்றை போலீஸ் படையினர் கைப்பற்றினர்.

தப்பி ஓடிய தலீபான் தீவிரவாதிகளை தேடிப்பிடிக்க வேட்டை முடுக்கி விடப்பட்டுள்ளது.

You can leave a response, or trackback from your own site.